Basenji
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die basenji is een van die oudste honderasse op aarde.
Die honde is gemiddeld 40cm hoog op hul pote. Hulle het ‘n pels wat bestaan uit kort, gladde, syerige hare wat óf koffiekleurig met wit óf swart met wit óf koffiekleurig, swart en wit is. Kenmerke is die geplooide voorkop, gekrulde stert, groot regopstaande ore, skerp snoet en bruin oë.
Merkwaardig van hierdie ras is dat hulle nie blaf nie. Die enigste klanke wat hulle voortbring is ‘n huilende geluid wat sterk laat dink aan jodel.
Hierdie ras is afkomstig uit die oerwoud van Midde-Afrika waar hulle as jaghonde gebruik is. Ook die farao’s van Egipte was reeds met die honde bekend. Afbeeldings van die honde is in Toetankamen se graf gevind. Sedertdien het die ras geen veranderinge ondergaan nie.
Bibliografie[wysig | wysig bron]
- Green, Lawrence G.: These wonders to behold. Experiences and discoveries of an author in search of the grain of truth in Africa’s strangest tales; and views on certain deep mysteries of Africa, solved and unsolved or never to be solved. Kaapstad: Howard Timmins, 1959.