Bespreking:Eksplosief

in Wikipedia, die vrye ensiklopedie
Jump to navigation Jump to search

Is g stemhebbend? Ek gebruik definitief nie my stem om g te sê nie. Dit is tog stemloos en as mens stem bysit, kry mens 'n brei-r. Het ek dinge verkeerd hier? --Alias 07:06, 17 Oktober 2006 (UTC)[reply]

Soos ek geskryf het, is dit net 'n stemhebbende plofklank in woorde soos berge en gholf. Of ghaap, en party mense sê neghe pleks van nege. Probeer dit maar uitspreek; jy sal sien dat dit stemhebbend, en 'n plofklank en nie 'n frikatief is nie.
Ek dink jy verwar dit met die gebruikliker "rasper-g", soos in die anlaut, ablaut of na kort klinkers in die middel van 'n woord: goed, geen, kaggel, koggel, leeg, dag, ens.
Thiois 08:26, 17 Oktober 2006 (UTC)[reply]
Jammer, te vinnig gelees. Definitief reg. Ek het 'n broertjie dood aan mense wat sê dat die frikatiewe g stemhebbend is. Dus spring ek toe te vinnig op my perdjie. --Alias 08:51, 17 Oktober 2006 (UTC)[reply]
Snaaks dat daar nog Afrikaanssprekendes is wat sê dat die Afrikaanse frikatiewe g is stemhebbend. Selfs in Standaardnederlands het die klank al stemloos geword. In baie streektale kry jy nog stemhebbende g's, veral in Suid-Holland en Brabant en Limburg.
Dis nogal interessant dat Afrikaans 'n 'moeilikheid' met die mediale g het: "nege" "berge", "sorge", waar hy 'n stemhebbende plosief word, maar soms verdwyn hy sommer: "reën", "brûe", "rûens", ens.

Thiois 10:23, 17 Oktober 2006 (UTC)[reply]

Dit is nie so snaaks nie - dit is bloot mense wat nie verstaan wat stemhebbend beteken nie. Van my eie onderwysers op skool het my probeer oortuig dat stemhebbend beteken dat jy 'n vibrasie in jou kop voel of iets, eerder as dat dit stem heb. --Alias 11:50, 17 Oktober 2006 (UTC)[reply]