Bilichild (vrou van Childerich II)

in Wikipedia, die vrye ensiklopedie

Bilichild (in Frankryk ook Bilichilde, sowel as Bilithilde, Bilichildis en Bilihildis) (* om 654; † (vermoor) 675) was 'n Frankiese Koningin en die vrou van Childerich II., koning van Austrasia.

Bilichilds se pa was Sigibert III van Austrasia, en haar ma Chimnechild, wie se oorsprong onbekend is. Aan die einde van die jaar 662 trou Bilichild met haar half-neef, Childerich II., wat daardeur 'n dubbele legitimiteit vir sy kroning as koning gekry het. Hy was een van die drie meerderjarige seuns van Clodwig II., koning van Neustria. Aan die einde van 662, vermoedelik na ´n kort tydperk waarin sy ouer broer Chlotar III. ook die koning van Neustria en Austrasia was, word hy tot koning van Austrasia gekroon.

In die herfs van 675 is Bilichild en haar man in die bos van Livry in Lognes vermoor, na 'n sameswering van adellikes, wat deur die neustriese adellike Bodilo aangehits is. Hy is deur Childerich tot ´n oneerbare straf veroordeel. Deel van Bodilos se samesweerders was Amalbert, wat waarskynlik die graaf van Noyon was, en Ingobert. Tydens die moord op die koning en die Koningin  is ook Bilichild se vyf-jaar-oue seun Dagobert vermoor. Dit word verder berig dat Bilichild tydens die moord met ´n ander kind swanger was. Slegs hulle seun van Chilperich, wat vermoedelik nie deel van die jagparty was nie oorleef en is onder die naam van Daniël, in 'n klooster gebring.

Biskop Ouen (Audoin) van Rouen, het die lyke van die Koninklike familie na Parys laat bring en in die Abdy van Saint-Germain-des-Prés laat begrawe. Daar was hul doodskiste in 1656 weer ontdek.

Literatuur[wysig | wysig bron]

  • Martina Hartmann: Die Koningin in die vroeë middeleeue. Kohlhammer, Stuttgart 2009, p. 83ff.