Boshofpoort
Die Boshofpoort is een van die mooiste en bes bewaarde Kaapse plaasingange uit die 18de eeu. Dit is geleë in Nuweland waar Boshoflaan teen Paradysweg (die M3) doodloop.
Geskiedenis
[wysig | wysig bron]In 1666 het die meulenaar en steenmaker Wouter Mostert hier aan die Liesbeek die plaas Goed-en-Quaad toegeken gekry. Teen die einde van die 17de eeu was dit die eiendom van opperchirurgyn Willem ten Damme. Hy het ook die aangrensende plaas Boshof besit. In 1786 word Alexander van Breda die eienaar en het die hele plaas as Boshof bekendgestaan. Van Breda het waarskynlik die hek by die oprylaan na sy huis laat bou. Die onderverdeling van Boshof het in 1905 begin met die uitleg van die woonbuurt Fernglen aan die oostekant van Kirstenbosch.
Poort
[wysig | wysig bron]Die poort is gebou in die destyds baie gewilde neo-klassieke styl met sierlike en indrukwekkende koppe. Aan weerskante van die hek is wye symure met pilare. Hierdie poort lei tot een van die oudste eikelane aan die Kaap. Dit is die eiendom van die Stad Kaapstad.
Monument
[wysig | wysig bron]Nadat dit in 1940 deur die munisipaliteit gerestoureer is, is dit in 1941 tot nasionale gedenkwaardigheid verklaar. Nou is dit 'n provinsiale erfenisterrein.
Skildery
[wysig | wysig bron]In die William Fehr-versameling is 'n skildery van die poort.
Bibliografie
[wysig | wysig bron]- Oberholster, J.J.: Die historiese monumente van Suid-Afrika. Kaapstad: Kultuurstigting Rembrandt van Rijn vir die Raad vir Nasionale Gedenkwaardighede, 1972. ISBN 0-620-00191-7