Bren

in Wikipedia, die vrye ensiklopedie
Spring na: navigasie, soek
Vroeë Merk I Bren LMG, foto van 'n Kanadese vervaardiger.
Skotse soldaat met 'n Bren LMG.

'n Bren is ’n ligte masjiengeweer (LMG). Die naam is afgelei van die wapenvaardiger by Brno in die voormalige Tsjeggo-Slowakye, waar dit ontwikkel is, en die Engelse fabriek in Enfield, waar dit onder lisensie vervaardig is. Die Britse weermag en Statebondlande het die geweer tydens die Tweede Wêreldoorlog gebruik. Dit is ook in ander oorloë ingespan, soos die Koreaanse Oorlog en die Falklandoorlog in 1982.[1]

Anders as wat mens sou verwag sit die Bren LMG se magasyn (patroonhouer) bokant die geweer. 'n Standaard magasyn kan maksimum 30 patrone van kaliber .303 (7,7 x 56 R) bevat. In die praktyk word die magasyn egter nie met meer as 28 patrone gevul nie. Daar is, vir gebruik op voertuie, ook 'n drommagasyn met 'n kapasiteit van 100 patrone. Die Bren LMG is 633 mm lank en weeg 10,35 kg.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]