Burgh
'n Burgh [ˈbʌrə] was 'n outonome munisipale korporasie (stadsadministrasie) in Skotland en Noord-Engeland, gewoonlik 'n nedersetting met stadstatus (city) of groter nedersetting sonder stadsregte (town of toun in Skots). Hierdie administratiewe onderverdeling het sedert die 12de eeu bestaan toe koning David I van Skotland die eerste koninklike burghs (royal burghs) geskep het.[1]
Burgh-status was in baie opsigte vergelykbaar met die borough-status in die res van die Verenigde Koninkryk. Die titel royal burgh is ook na die administratiewe hervormings van 1975 steeds gebruiklik as deel van die amptelike name van baie nedersettings, al het dit vandag hoofsaaklik seremoniële betekenis, en daar is geen besondere voorregte of bevoegdhede daaraan verbonde nie.
Verwysings[wysig | wysig bron]
- ↑ "National Records of Scotland: Burgh Records. Besoek op 14 April 2020". Geargiveer vanaf die oorspronklike op 4 Mei 2020. Besoek op 14 April 2020.
Eksterne skakels[wysig | wysig bron]
Wikimedia Commons het meer media in die kategorie Burgh.
