Burnsnag

in Wikipedia, die vrye ensiklopedie
Jump to navigation Jump to search

Die term Burnsnag (Skots: Burns Nicht; Engels: Burns Night, soms ook Robert Burns Day) verwys na die feesviering en tradisionele aandete (Burns supper) wat ter ere van die Skotse digter Robert Burns op 25 Januarie, die digter se verjaardag (of, na gelang van plaaslike omstandighede, op een van die volgende dae), in Skotland, Noord-Ierland en Skotse kringe wêreldwyd plaasvind.[1] [2][3]

Geskiedenis[wysig | wysig bron]

Die eerste Burnsaandete ter herdenking van Robert Burns is deur sy vriende ter geleentheid van die vyfde jaardag van die digter se afsterwe op 21 Julie 1801 in Burns Cottage georganiseer. Sedertdien vind dit elke jaar plaas. Die eerste Burnsklub, wat steeds bestaan, is in 1801 deur sakemanne in Greenock gestig wat boorlinge van Ayrshire (of selfs kennisse van die digter) was. Hulle het die eerste Burnsaandete georganiseer op 29 Januarie 1802 gehou - die datum wat hulle as Burns se verjaardag beskou het. Eers toe hulle die kerkboeke in Ayr geraadpleeg het, het hulle kennis van die regte datum gekry. Burnsaandetes vind sedertdien op 25 Januarie of op een van die volgende dae plaas.

Burnsaandetes word, afhangende van plaaslike omstandighede, as 'n formele of informele plegtigheid gehou. Tradisioneel word Skotland se nasionale gereg, haggis, en Skotse whisky bedien en Burns-gedigte voorgedra. Formele aandetes word gewoonlik deur verenigings soos Burnsklubs, Vrymesselaars of St Andrews Societies georganiseer en word, as dames daaraan deelneem, met Skotse danse afgesluit. In elk geval volg hulle 'n vaste volgorde en program.

Verwysings[wysig | wysig bron]