Carnaby Street

in Wikipedia, die vrye ensiklopedie
Spring na: navigasie, soek
'n Straatbord in Carnaby Street

Carnaby Street is 'n winkelstraat en voetgangerslaan in die City of Westminster, Londen, wat in die stadsdistrik Soho naby Oxford Street en Regent Street geleë is. Dit staan veral bekend vir sy groot verskeidenheid mode- en leefstylwinkels, waaronder talle onafhanklike boetieke.

Strate, wat met Carnaby Street kruis, sluit - in noord-suidelike rigting - Beak Street, Broadwick Street, Kingly Court, Ganton Street, Marlborough Court, Lowndes Court, Fouberts Place, Little Marlborough Street en Great Marlborough Street in. Die naaste moltreinstasie van London Underground is Oxford Circus op die Bakerloo-, Central- en Victoria-lyne.