Chalkudrai
(Aangestuur vanaf Chalkydri)
Chalkudrai (antieke Grieks: χαλκύδραι, 'n samestelling van χαλκός chalkós, "koper", en ὕδρα udra, "hidra", "koperslang") is mitiese wesens waarna verwys word in die apokriewe 2 Henog uit die 1ste eeu n.C.[1][2] In die allegorie bly die chalkudrai op die son saam met ander vlieënde diere wat fenikse genoem word. Hulle voorkoms is betowerend; hulle is wesens met die kleure van die reënboog, die kop van 'n krokodil en die voete en stert van 'n leeu, almal met twaalf vlerke.[3] Met sonsopkoms sing hulle saam met die ander wesens en stel die voëls van die wêreld in kennis van 'n nuwe dag om oor verheug te wees.[4]
Verwysings[wysig | wysig bron]
- ↑ Davidson, Gustav. (1967) A Dictionary of Angels, Including the Fallen Angels. Entry: 'Chalkydri', p. 84.
- ↑ F.I. Andersen. (1983) 2 (Old Bulgarian Apocalypse of) Enoch, a new Translation and Introduction in red. James Charlesworth The Old Testament Pseudepigrapha, Vol 1. p. 94. ISBN 0-385-09630-5.
- ↑ Rutherford H. Platt, Jr. (1926) The Forgotten Books of Eden. Entry: The Book of the Secrets of Enoch chapter XII. [1]
- ↑ Louis Ginzberg. (1909) Legends of the Jews. Entry: The Creation of the World: The Sixth Day. [2]
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
