Chandra-X-straalsterrewag

in Wikipedia, die vrye ensiklopedie
’n Skematiese voorstelling van Chandra.

Die Chandra-X-straalsterrewag is ’n ruimteteleskoop wat Nasa op 23 Julie 1999 gelanseer het. Dit is sensitief tot X-straalbronne 100 keer swakker as wat voorheen deur teleskope waargeneem kon word. Aangesien die Aarde se atmosfeer die meeste X-strale absorbeer, kan aardgebaseerde teleskope hulle nie waarneem nie; daarom is ruimtegebaseerde teleskope daarvoor nodig. Chandra is in ’n 64-uur-wentelbaan.

Dit is saam met die Hubble- en die Spitzer-ruimteteleskoop een van die groot sterrewagte. Dit is al beskryf as net so revolusionêr as Galileo se eerste teleskoop.[1]

Verwysings[wysig | wysig bron]

  1. "The Extraordinary Universe with Chandra". Harvard-Smithsonian Center for Astrophysics. Geargiveer vanaf die oorspronklike op 4 September 2019.