Chiliasme

in Wikipedia, die vrye ensiklopedie
Jump to navigation Jump to search

Chiliasme of millennialisme is 'n aanduiding van die oortuiging dat 'n duisendjarige vrederyk en/of 'n paradys op aarde gevestig sal word voor of na die wederkoms van Christus. "Chiliasme" kom van die antieke Griekse woord Χίλιοι ("chilioi", duisend). 'Millennialisme' is afgelei van millennium, wat duisend jaar beteken.

Die volgende is die vier hoof verskillende sieninge oor die Bybelse eindtyeː

  • Náverdrukking premillennialismeː 7 jaar verdrukking, wegraping, duisendjarige vrederyk, laaste oordeel
  • Voorverdrukking premillennialisme of dispensasionalismeː wegraping, 7 jaar verdrukking, duisendjarige vrederyk, laaste oordeel
  • Postmillennialismeː verdrukking, duisendjarige vrederyk, laaste oordeel
  • Amillennialismeː vrederyk (nie letterlik 1000 jaar lank nie), verdrukking (nie letterlik 7 jaar lank nie), wederkoms en laaste oordeel

Historiese premillennialisme (náverdrukking)[wysig | wysig bron]

(In Engels = "Historic premillennialism (post-tribulational)")

Dit kom neer op die volgendeː

  • Sewe jaar van verdrukkingː In die toekoms gaan daar 'n tydperk van verdrukking aanbreek vir sewe jaar lank.
  • Wegrapingː Die wegraping van gelowiges sal gebeur ná die sewe jaar van verdrukking
  • Duisendjarige vrederykː Sommige glo dat dit letterlik 1000 jaar lank sal wees en ander glo dat dit 'n simboliese getal is.
  • Laaste oordeel
  • Nuwe hemel en nuwe aarde

Israel sal geestelike herlewing ondervind. Groot getalle Jode sal tot bekering kom, maar daar sal nie 'n nasionale herstel plaasvind nie.

Moderne premillennialisme / dispensasionalisme (voorverdrukking)[wysig | wysig bron]

(In Engels = "dispensational premillennialism"[1], [2])

Verdeel dit tydperk op aarde in die volgende dispensasies/tydperkeː Onskuld (voor die sondeval), gewete (val tot die vloed), menseregering, belofte (Abraham tot Moses), wet (Moses tot Christus), genade (kerktydperk) en koninkryk (millennium).

Dit kom neer op die volgendeː

  • Wegrapingː Die wegraping van gelowiges sal gebeur voor die 7 jaar van verdrukking.
  • Sewe jaar van verdrukkingː Tydens hierdie tyd gaan die gelowiges nie op aarde wees nie.
  • Duisendjarige vrederykː Ná die sewe jaar van verdrukking sal die gelowiges op aarde geplaas word om tydens die duisendjarige vrederyk op aarde te regeer.
  • Laaste oordeel.
  • Nuwe hemel en nuwe aarde.

Daar word geglo dat die volk Israel gered en herstel sal word tot 'n plek van voorrang in die millennium. Israel sal dus in die millennium 'n spesiale funksie hê wat anders is as die van die Kerk.

Postmillennialisme[wysig | wysig bron]

Dit kom neer op die volgendeː

  • Die wêreld gaan al be­ter word en sal oorgaan in die duisendjarige vre­deryk.
  • Duisendjarige vrederykː 'n tydperk van vrede op aarde.
  • Wederkoms en laaste oordeelː Na die duisendjarige vrederyk sal die wederkoms plaasvind waartydens Jesus finaal sal oordeel.

Hierdie siening sluit nie 'n wegraping in nie.

Amillennialisme[wysig | wysig bron]

Dit kom neer op die volgendeː

  • Duisendjarige vrederykː 'n simboliese tydperk wat strek van Jesus se tyd tot die aanbreek van die groot verdrukking.
  • Groot verdrukkingː Ná die duisendjarige vrederyk sal daar 'n tydperk van verdrukking plaasvind. Die Bybel verwys ook daarna as "in die laaste dae" (Matteus 24, Markus 13, Lukas 21, 2 Timoteus 3:1-5). Die tydperk van die verdrukking is onbekend omdat die sewe jaar, soos genoem in die Bybel 'n simboliese getal is.
  • Wederkoms en laaste oordeelː Ná die verdrukking sal die wederkoms plaasvind waartydens Jesus finaal sal oordeel.

Hierdie siening sluit geen wegraping in nie.

Kyk ook[wysig | wysig bron]

Verwysings[wysig | wysig bron]