China Southern Airlines
 | |
| IATA: | CZ |
| ICAO: | CSN |
| Roepsein: | CHINA SOUTHERN |
| Slagspreuk: | Fly your dreams |
| Gestig: | 1988 |
| Ondernemingsvorm: | Aandelemaatskappy |
| Hoofkwartier: | Guangzhou, Guangdong, Volksrepubliek China |
| Hooflughawe: | Beijing Capital Int. Lughawe |
| President: | Tan Wangeng |
| Markkapitalisasie: | VS$ 11 miljard (2010)[1] ¥62,543 miljard RMB(2017) |
| Werknemers | 100 000 (2015-2016)[2] |
| Alliansie: | SkyTeam |
| Bestemmings: | 216 |
| Vloot: | 657 (insluitend vrag) |
| Webtuiste: | http://us.csair.com/ |
China Southern Airlines is 'n lugredery met sy hoofkwartier in Baiyun-distrik, Guangzhou, Guandong-provinsie, Volksrepubliek China. Dit is die wêreld se sesde grootste lugredery gemeet aan passasiers vervoer en Asië se grootste lugredery in vlootgrootte en passasiers vervoer. Dit is die vierde grootste lugredery in die wêreld in binnelandse passasiersverkeer en die sesde grootste in geskeduleerde plaaslike passasierskilometers gevlieg. Sy belangrikste spille is op Guangzhou Baiyun Internasionale Lughawe en Beijing Capital Internasionale Lughawe. Die lugredery vlieg tans na 216 bestemmings met 'n vloot van meer as 650 vliegtuie.
China Southern Airlines is op 1 Julie 1988 gestig as gevolg van die herstrukturering van die Burgerlugvaartadministrasie van China. Sedertdien is dit oorgeneem en het ook saamgesmelt met 'n aantal plaaslike lugrederye, steeds as een van China se "Groot Drie" (naas Air China en China Eastern Airlines).[3] China Southern Airlines is 'n lid van SkyTeam.[4] Die redery se logo is 'n rooi kapokblom op 'n blou vertikale stertvin.
In 2012 het China Southern Airlines 86,5 miljoen plaaslike en internasionale passasiers vervoer met 'n gemiddelde laaifaktor van 81%.
Spilpunte[wysig | wysig bron]
- Beijing Capital Internasionale Lughawe
- Chongqing Jiangbei Internasionale Lughawe
- Guangzhou Baiyun Internasionale Lughawe
- Ürümqi Diwopu Internasionale Lughawe
Verwysings[wysig | wysig bron]
- ↑ IATA-persverklaring. URL besoek op 22 November 2014
- ↑ "SkyTeam - 2015 Facts and Figures" (PDF). China Southern Airlines. Geargiveer vanaf die oorspronklike (PDF) op 18 Mei 2015. Besoek op 17 Mei 2015.
- ↑ (en) "BIGGER IS BETTER". Flight International. 16–22 September 2003. Besoek op 17 Januarie 2011.
{{cite journal}}: Cite journal requires|journal=(hulp) - ↑ (en) Maatskappyprofiel: China Southern Airlines Geargiveer 9 Maart 2012 op Wayback Machine. Besoek op 15 Januarie 2011.
| Hierdie artikel is in sy geheel of gedeeltelik vanuit die Engelse Wikipedia vertaal. |
