Chinnamasta

in Wikipedia, die vrye ensiklopedie
Jump to navigation Jump to search
Chinnamastā se yantra
Chinnamastā

Chinnamastā (Sanskrit: छिन्नमस्ता) is 'n godin van die Hindoemitologie en is ook in die Tantriese Boeddisme bekend. Die naam beteken dié wat onthoof is. Sy word ook Chinnamun̥d̥ā genoem.

Sy is volgens die Śākta Mahābhāgvata Purān̥a een van die tien Mahāvidyās. As die god Śiva baklei met sy vrou Satī, word sy baie kwaad. Śiva probeer om te vlug maar in alle tien rigtings stuit hy op een van die aspekte van Satī. In die ooste is dit Chinnamastā.

Die Sādanamālā bekryf haar as "sy wat geel van kleur is en in haar linkerhand haar eie afgehakte kop vashou. Sy het met haar eie kartr̥ (kromswaard) afgehak wat sy in haar regterhand hou... Sy is naak... Bloedstrome kom uit her afgesnyde liggaam en val in die mond van die afgesnyde kop en in die monde van die twee Yoginis aan albei kante van haar".[1]

Sy word dikwels bo-op Kāma -die god van die begeerte- en die godin Rati afgebeel wat seksuele omgang het. Sy ontvang krag uit die seksuele energie, maar oorkom dit tegelykertyd.[2]

Sy is 'n min bekende godin en word slegs op 'n paar plekke aanbid. In Cintapūm̹ī in Himachal Pradesh is 'n tempel wat homself as die śākta pīt̥ha beskou, die plek waar een van dele van Satī se liggaam neergekom het: die voorkop. Op die śākta pīt̥ha-lys van Sircar wat wys op watter plekke in Indië die dele van Satī se liggaam geval het, kom di nogtans nie voor nie.[1]

Verwysings[wysig | wysig bron]

  1. 1,0 1,1 Chinnamasta: The Aweful Buddhist and Hindu Tantric Elisabeth Anne Benard Motilal Banarsidass Publ., 2010, ISBN 8120817486, ISBN 9788120817487
  2. God of Desire: Tales of Kamadeva in Sanskrit Story Literature Catherine Benton SUNY Press, 2006, ISBN 0791465667, ISBN 9780791465660