Christiaan Botha (Skrywer)

Christiaan Botha is ’n Afrikaanse dramaturg wat die eerste gepubliseerde drama wat oor die San handel geskryf het.

Skryfwerk

Hy skryf //Kabbo op die ysterspoor, ’n dramatiese monoloog oor die San, genaamd //Kabbo, en waarskynlik die eerste gepubliseerde Afrikaanse dramateks waarin die kollig volledig op die San val. Die handeling vind plaas in ’n sinkplaatstegie naby ’n stasie. Dit is //Kabbo se blyplek in die stad nadat hy tronkstraf vir veediefstal uitgedien het en vrygelaat is. Die hoofkarakter, //Kabbo, die dromer met die magiese vermoëns, is volgens die skrywer die argetipiese San, een van die laaste van die Kalahari-San. In sy monoloog vertel //Kabbo van die San se gewoontes, mitologie en sy liefde vir Steentjie. In die slot droom hy (sy naam beteken droom) dat hy na die groot god Eloib gaan. Vir die volle duur van die drama moet //Kabbo vir sy agtervolgers wegkruip, soos sy voorsate so dikwels moes doen. Soos die titel aandui, word yster die metafoor vir die drama, waarmee die San gemeet word. Terwyl ander eietydse Suid-Afrikaanse stemme rondom hom opklink, besin //Kabbo oor die lotgevalle van sy mense, wat nie teen die yster van die ander bewoners van die land opgewasse was nie: “Yster! Dis daai wat die voormense nie verstaan het nie. ’n Man moet ’n ysterkop en ’n ysterhart hê om te bly regop staan tussen hierdie ander tweebene.” Yster word dan die teenpool van hout, wat as metafoor die grense tussen natuur en kultuur, animisme en Christendom, spiritualiteit en werklikheid verteenwoordig.

Christiaan speel self die rol van //Kabbo in die opvoering van die drama by Aardklop in 2001.

Publikasies

• //Kabbo op die ysterspoor, 2005.