Cornelius Kok I

in Wikipedia, die vrye ensiklopedie
Jump to navigation Jump to search
Cornelius Kok I

Kaptein van die Griekwas
Voorafgegaan deur Adam Kok I
Opgevolg deur Cornelius Kok II
Adam Kok II

Persoonlike besonderhede
Gebore 1746
Piketberg
Sterf 1820
Campbell

Corneli(u)s Kok I (Piketberg, 1746Campbell, 1820) was 'n leier (kaptein) van die Griekwas in Suid-Afrika.

Biografie[wysig | wysig bron]

Cornelius Kok is in 1746 in Piketberg gebore. Hy was die seun van die eerste kaptein, Adam Kok I. Hy woon 'n ruk in Kamiesberg, waarna sy vader hom op 'n verkenningstog na die noordelike oewer van die Oranjerivier stuur en hy homself met sy volgelinge (beide Griekwas en Boesmans) vestig. In 1795 volg hy sy oorlede vader as kaptein op en in 1800 laat hy homself deur sendelinge van die Londense Sendinggenootskap doop.

In 1804 adviseer twee sendelinge Kok en Barend Barends om hulself in Klaarwater te vestig, waar Griekwastad gestig word. Grootskaalse immigrasie na Griekwastad lei egter tot 'n periode van wanorde. Kok tree af ten gunste van sy oudste seun Adam Kok II en keer na Kamiesberg terug. In 1816 probeer hy sy gesag in Griekwastad terug te wen, maar dit misluk. Hy vertrek met sy seun Cornelius Kok II na Campbell, waar hy in 1820 oorlede is. Adam Kok II word die kaptein in Griekwastad en later Philippolis en Cornelis Kok II in Campbell.

Literatuur[wysig | wysig bron]

  • The Encyclopaedia Africana Dictionary of African Biography (In 20 Volumes). Volume Three: South Africa- Botswana-Lesotho-Swaziland. Ed. Keith Irvine. Algonac, Michigan: Reference Publications Inc., 1995.