DKW Munga

in Wikipedia, die vrye ensiklopedie
Jump to navigation Jump to search
DKW Munga

Die DKW Munga was 'n DKW-handelsmerk veldvoertuig gebou deur Auto Union GmbH in Ingolstadt, Duitsland. Die naam Munga kom terloops van die Duitse frase Mehrzweck Universal Geländewagen mit Allradantrieb, wat vertaal word as "veeldoelige universele veldmotor met vierwielaandrywing".[1]

Produksie het in Oktober 1956 'n aanvang geneem en is in Desember 1968 gestaak. In hierdie tydperk is 46 750 motors gebou. Die 38ste Internasionale Motorskou van 1957 in Frankfurt am Main was 'n groot sukses vir Auto Union, toe die Munga van stapel gestuur is. Die voertuig, met buitengewone stamina, was nie net deur die Wes-Duitse Bundeswehr aanvaar as 'n voertuig uniek in sy klas nie, maar is ook in groot getalle aangekoop vir die Duitse grenspolisie en verskeie buitelandse militêre formasies binne NAVO.[1]

Die burgerlike weergawe van die Munga is wyd gebruik in Wes-Duitsland vir landbou- en bosbouwerk in die besonder, maar het ook oorsee gewild geword, veral in lande waar "iewers heen te gaan" vervoer nodig is as gevolg van swak paaie, soos groot dele van Suid-Amerika en Suid-Afrika. Ongeveer 2000 van die voertuie is aan die Koninklike Nederlandse Leër gelewer, waarvan vele verskeep is na die Verenigde Koninkryk in die laat 1970's.[1]

Verwysings[wysig | wysig bron]

  1. 1,0 1,1 1,2 Argief van Ullrich Märker, Duitsland
Hierdie artikel is in sy geheel of gedeeltelik vanuit die Engelse Wikipedia vertaal.