Dawn Lindberg

in Wikipedia, die vrye ensiklopedie

Dawn Avril Lindberg, neé Silver, (19 April 1945 - 7 Desember 2020) was 'n sanger wat deel was van die sangpaar Des and Dawn. Haar sangmaat en lewensmaat was Des Lindberg. Hulle het bekend geword vir liedjies soos onder andere The Seagull's Name was Nelson en This Land is Your Land. Des en Dawn het as studente ontmoet by die Universiteit van die Witwatersrand. Hulle het deur Suid-Afrika en die destydse Rhodesië met 'n woonwa gereis en die vertoning Folk on Trek aangebied. Hulle het in 1965 getrou en in 1965 het Des naam gemaak met sy liedjie Die gezoem van die bye.

In 1972 het hulle die musiekspel Godspell op die planke gebring, maar kon dit slegs in Lesotho aanbied omrede dit 'n veelrassige vertoning was. In 2004 het Dawn die nasionaal erkende Naledi-teaterpryse gestig waarvan sy tot haar dood die uitvoerende hoof was.

Sy sterf in Plettenbergbaai aan Covid-19 verwante oorsake en word oorleef deur haar man, Des, seuns Josh en Adam en verskeie kleinkinders.

Bron[wysig | wysig bron]

  • Tot einde hartstogtelik oor teater en kunste, Rapport Weekliks, 13 Desember 2020.