Debenhams

in Wikipedia, die vrye ensiklopedie
Jump to navigation Jump to search
Debenhams
Debenhams.svg
Newcastle eldon square opening day peter newcastle historian2-300x225-1-.jpg
Tipe Britse publieke maatskappy met beperkte aanspreeklikheid
Gestig 1778 (deur William Clark), 1813 (as Clark & Debenham)
Hoofkantoor Londen, EngelandVlag van Verenigde Koninkryk Verenigde Koninkryk
SleutelpersoneNigel Northridge (voorsitter)
Michael Sharp (hoof uitvoerende beampte)
Gebied bedienVerenigde Koninkryk, Ierland, Denemarke
IndustrieHandelsbedryf
ProdukteKleding, kosmetika, huishoudelike voorwerpe, speelgoed, geskenkartikels
Inkomste£2.341,7 miljoen (2016)
Bedryfsinkomste£131 miljoen (2016)
Netto inkomste£85,9 miljoen (2016)
Werknemers27 893 (2016)
DogtermaatskappyeDebenhams Ireland, Magasin du Nord
Webwerfdebenhams.com

Debenhams plc is 'n Britse multinasionale kleinhandelketting wat afdelingswinkels in die Verenigde Koninkryk en Ierland en konsessiewinkels in ander lande bedryf. Die onderneming het sy oorsprong in 'n enkele winkel wat in die 18de eeu in Londen gevestig is en het intussen tot 'n handelsreus met 178 winkels op die Britse Eilande en in Denemarke gegroei waar onder meer klere, huishoudelike ware en meubels verkoop word. 'n Eie reeks ontwerpersklere is in 1993 onder die handelsmerk Designers at Debenhams ingevoer.

Debenhams, wat sy hoofkwartier in Regent's Place in die Londense Borough of Camden het, word op die Londense Effektebeurs genoteer waar dit deel uitmaak van die FTSE 250-indeks. Naas sy Ierse dogtermaatskappy bedryf Debenhams ook die Deense afdelingswinkelketting Magasin du Nord.

Nadat Britse media in 2018 reeds oor Debenhams se toekoms gespekuleer het, het die onderneming met £491 miljoen voor belasting die grootse verlies in sy geskiedenis aangeteken. Debenhams het die sluiting van sowat vyftig winkels met die moontlike verlies van 4 000 werkgeleenthede aangekondig. Op 9 April 2019 het die onderneming bekendgemaak dat dit onder finansiële administrasie geplaas is nadat sy skuldlas tot meer as £600 miljoen gestyg het.[1]

Krediteurs het Debenhams se voorgestelde herstruktureringsplan in Mei 2019 goedgekeur. Die plan maak voorsiening vir die sluiting van 22 winkels en onderhandelinge met verhuurders om laer huurgelde vir die ander filiale.[2]

Verwysings[wysig | wysig bron]