Die Oukraalliedjie

in Wikipedia, die vrye ensiklopedie
Jump to navigation Jump to search
Die Oukraalliedjie
Genre  Afrikaanse volksmusiek
Woorde  Manas en Amie de Villiers
Melodie  J.A. Brown (Amerikaans)
Verwerking  Dirkie de Villiers
Oorsprong 
Taal/land  Afrikaans
Portaal  Portaalicoon   Musiek

Die Oukraalliedjie is 'n bekende tradisionele Afrikaanse liedjie. Die liedjie handel oor 'n bekende kampplek bo-op Pêrelberg wat as Oukraal bekend staan. Die kampplek is kringvormige bos van olienhoutbome met 'n groot eiervormige granietrots aan die westekant van die bos. Boere het hul vee hier laat wei en saans by die oukraal bymekaar gemaak om hulle teen wilde diere te beskerm. Manas de Villiers het die inspirasie vir die woorde hier gekry. Tesame met sy vrou Amie en sy vriend Dirkie de Villiers het hulle een aand aan die einde van 1946 die woorde vir die liedjie gekompeneer. Hulle het 'n mandolien en 'n banjo gebruik vir begeleiding. In die liedjie verwys bandolientjie na 'n banjo. Die liedjie is later in die FAK-sangbundel ingesluit.[1]

In 1967 het Sias Reinecke en Gert van Tonder van die sangroep Groep Twee die liedjie opgeneem en dit op 'n kortspeler met "Die padda wou gaan opsit" op die keersy, vrygestel. Op 10 Maart 1967 het "Die Oukraalliedjie" in die dertiende plek tot Springbokradio se Top 20 toegetree; die hoogste toetrede deur 'n Afrikaanse liedjie in die geskiedenis van dié trefferslys. Dit het derde plek bereik en vyftien weke lank op die Top 20 gebly. Sedertdien het verskeie kunstenaars dit opgeneem.

Woorde[wysig | wysig bron]

Cquote1.svg

Jy met jou mandolientjie,
ek met my bandolientjie,
sing ons die Oukraal liedjie saam.

Sing ons van waterstrome,
slange in olienhoutbome,
en `n ribbok wat daar teen die rantjie staan.

Ons sing, (ons sing)
ons speel (ons speel)
van die Oukraal wat ons nooit nie sal verveel.

Jy met jou mandolientjie,
ek met my bandolientjie,
sing ons die Oukraal liedjie saam.

Jy met jou mandolientjie,
ek met my bandolientjie,
sing ons die Oukraal liedjie saam.

Sing ons van waterstrome,
slange in olienhoutbome,
en `n ribbok wat daar teen die rantjie staan.

Ons sing, (ons sing)
ons speel (ons speel)
van die Oukraal wat ons nooit nie sal verveel.

Jy met jou mandolientjie,
ek met my bandolientjie,
sing ons die Oukraal liedjie saam.

Cquote2.svg

Verwysings[wysig | wysig bron]

  1. [1] Die Oukraalliedjie]