Republikein

in Wikipedia, die vrye ensiklopedie
(Aangestuur vanaf Die Republikein)
Spring na: navigasie, soek
Logo.

Republikein is ‘n Afrikaanse koerant wat in die Namibiese hoofstad, Windhoek, uitgegee word en die enigste Afrikaanse dagblad buite Suid-Afrika.

Dirk Mudge het die dagblad in Desember 1977 as mondstuk van die Republikeinse Party (RP) opgerig in ‘n tyd toe die bestaande Afrikaanse dagblad in Suidwes-Afrika, Die Suidwester, ‘n mondstuk van die Nasionale Party se Suidwes-Afrikaanse eweknie was.[1] Dié koerant het later as weekblad verskyn, maar is in 1990 gestaak.[2] Die eerste redakteur was die skrywer en geselsprogramaanbieder Jan Spies. Nadat die RP en nog 10 rasgebaseerde politieke partye by die Demokratiese Turnhalle Alliansie (DTA) aangesluit het, het Republikein die nie-amptelike mondstuk van die DTA geword. In 1991 het Republikein deel geword van Democratic Media Holdings, wat ook die Allgemeine Zeitung, Afrika se enigste Duitse dagblad, en die Windhoek Advertiser besit het.

Ná talle geskille het die mediamaatskappy sy bande met die DTA in 1997 verbreek en strewe hy sedertdien na groter redaksionele onafhanklikheid. Die maatskappy se naam is intussen verander na Namibia Media Holdings, waarin Naspers van Suid-Afrika ‘n 50%-aandeel het.[3] Republikein se hoofredakteur is Dani Booysen. Die jongste betroubare sirkulasiesyfer was 18 000 in 2007.

Republikein bied ook ‘n aanlyn uitgawe van die koerant, wat meestal ‘n weerspieëling is van die inhoud van die gedrukte weergawe, maar wat aangevul word met bykomende inhoud soos video’s. Die koerant gee ook etlike streekskoerante uit.

Eksterne skakels[wysig | wysig bron]

Verwysings[wysig | wysig bron]

  1. (af) Mediamense. URL besoek op 4 Oktober 2015.
  2. (af) Suidwester verander van formaat, Die Burger, 4 Desember 1990. URL besoek op 4 Oktober 2015.
  3. (af) Naspers lyk oor 'n paar jaar anders, Republikein, 11 Julie 2014. URL besoek op 4 Oktober 2015.