Dokter knopie

in Wikipedia, die vrye ensiklopedie
Spring na: navigasie, soek

Dokter knopie is 'n speletjie om kinders se soepelheid te toets en te ontwikkel aangesien dit hulle in allerhande vreemde posisies in druk. Dit word die beste buite op die grasperk gespeel maar kan ook in 'n kamer met baie ruimte gespeel word.[1]

Begin van spel[wysig | wysig bron]

Daar moet ten minste 5 kinders wees wat speel. Eerstens word Dokter knopie aangewys deur maniere wat verskil van plek tot plek. Dit mag dalk gebeur deur 'n rympie op te sê soos byvoorbeeld "olke bolke" of dalk "op die klavier..." Hoe dit ook al sy, die persoon wat aangewys is as Dokter knopie moet die res van groep verlaat tot hy/sy geroep word.

Die knopery[wysig | wysig bron]

Die res wat oorbly, staan dan in 'n kring en hou hande vas. Sonder om hande te los moet hulle dan op mekaar en deur mekaar klim met die doel om hulself so te knoop en te koek, dat Dokter knopie dit moeilik sal vind om hulle uitmekaar te kan kry. As die kinders voel hulle is genoeg geknoop (en moontlik begin pyn vanweë die snaakse posisies) roep hulle almal uit: "Dokter knopie!"

Die ontknoping[wysig | wysig bron]

Dokter knopie haas hom/haar dan terug na die groep en begin dan om die groep te ontknoop. Hy doen dit deur vir hulle te sê wie moet waar gaan en wie moet wat doen totdat hulle weer in die oorspronklike kring staan. Dan word 'n volgende Dokter aangewys.

Reëls[wysig | wysig bron]

  • Die belangrikste reël is dat die wat in die kring staan onder geen omstandighede hul hande mag los nie.
  • Dokter knopie mag natuurlik ook nie afloer nie.

Sien ook[wysig | wysig bron]

Verwysings[wysig | wysig bron]

  1. Dokter knopie, takevirskole.co.za, besoek op 25 September 2015