Doop

in Wikipedia, die vrye ensiklopedie
Jump to navigation Jump to search

Die doop is 'n Christelike sakrament wat deur verskillende denominasies van die Christelike kerke gebruik en gevier word.

Dit is simbolies aan die afwassing van sondes en die uitstorting van die Heilige Gees. Die doop word op verskillende maniere gevier, bv. klein doop en groot doop.

Daar word altyd water gebruik om 'n persoon mee te doop; party denominasies gebruik heilige water en ander gebruik water uit ‘n rivier. Alhoewel daar verskillende maniere gebruik word, is daar altyd water wat op die voorkop gesit word en die woorde Ek doop jou in die naam van die Vader en die Seun en die Heilige Gees gaan gepaard met die doop van 'n persoon.

Jesus ("die Seun") was in die Jordaanrivier gedoop deur Johannes die Doper. Johannes, wat familie was van Jesus, was ook die eerste persoon wat genoem word in die Bybel wat mense gedoop het.

Voor die doop is daar 'n belofte wat afgelê word. In die geval van klein doop, babas, word die belofte deur die ouers en gemeentelede afgelê. Met groot doop is dit die dopeling self wat die belofte aflê, of openbare geloofsbeleidenis doen voor hy/sy gedoop word.

Deur die doop ontvang die dopeling die Heilige Gees en aanvaar hy/sy dat Jesus deur die werking van die Heilige Gees in sy/haar lewe kan werk. Dit is 'n belofte dat die dopeling sal wandel in God ("die Vader") se wil en hom/haar onderdanig maak aan sy gesag.

Dit is 'n aanvaarding van die Heilige Gees in jou lewe, aanvaarding dat Jesus vir jou sondes aan die kruis gesterf het.

Voor die doop ingestel is, is die seuns van die Joodse ryk volgens die Wet van Moses besny as 'n teken van 'n gelofte tussen God en sy volk. Met die instelling vat die doop is nie net die uitverkore volk, die Joodse volk, nie, maar ook almal op aarde wat glo in God en dat Jesus sy verlosser is en aan die kruis op Golgota vir sy sondes gesterf het, ook ingesluit is by die volk van God en sodoende ook die ewige lewe kan beërwe.

Deur die doop word jy vrygespreek teen die sonde waarin jy gebore word.

Dit is 'n heilige sakrament en word nie ligtelik opgeneem nie. Daar is ook geen sprake in die Bybel van enige persoon wat meer as een keer gedoop is nie. Volgens die Geloofsbelydenis van Necéa glo die Christene in een doop. Dit wil sê dat jy as mens net een keer gedoop hoef te word.