Dovecot

in Wikipedia, die vrye ensiklopedie

Dovecot is 'n oopbron IMAP- en POP3-bediener vir bedryfstelsels wat op Unix gebaseer is, en is geskryf hoofsaaklik met sekuriteit in gedagte. Timo Sirainen is die skepper van Dovecot en het dit vir die eerste keer in Julie 2002 gepubliseer. Die hoofdoel van die ontwikkelaars van Dovecot is om 'n liggewig, vinnige en maklik-om-op-te-stel oopbronposbediener te produseer.

Die hoofdoel van Dovecot is om as posbergingbediener op te tree. Pos word met behulp van 'n Mail Delivery Agent (MDA) by die bediener afgelewer en gestoor vir latere toegang deur 'n Mail User Agent (MUA). Dovecot kan ook as 'n instaanbediener optree deur verbindings na 'n aander posbediener aan te stuur, of as 'n liggewig MUA om pos op 'n afgeleë bediener te verkry en te manipuleer, byvoorbeeld vir posmigrasie.

Volgens Openemailsurvey is Dovecot op meer as 3 miljoen e-posbedieners geïnstalleer en het dit 'n globale markaandeel van 68% van alle IMAP-bedieners. Alhoewel Dovecot kommersieel sonder linsensiefooie gebruik kan word, is daar 'n kommersiële weergawe beskikbaar wat as Dovecot Pro bekend staan. Die kommersiële weergawe word deur Dovecot Oy tesame met ondersteuning en ondernemingsbyvoegings soos voorwerpberging en voltekssoek-plugins verskaf. Dovecot Oy is sedert Maart 2015 deel van die Open-Xchange-familie.

Eksterne skakels[wysig | wysig bron]