Drummond Castle
.jpg)
Die Drummond Castle was 'n stoomskip van Donald Currie and Co redery wat in een van die rampspoedigste skeepsrampe in die Suid-Afrikaanse geskiedenis betrokke was. Die skip is in 1881 te water gelaat en het 3 663 ton water verplaas. Dit was een van die gewildste en modernste skepe van die redery. Dit was ook voorsien van elektriese krag - een van die eerstes.
Op 16 Junie 1896 het die Drummond Castle op sy vaart na Engeland by Kaap Ushant aan die Franse kus op 'n rif geloop en sy bodem oopgeskeur. Hy het binne 4 minute gesink en van die 245 mense aan boord is net drie gered, insluitende een passasier. Aan boord van die skip was ook goudmonsters van die Vrystaatse Goudveld wat tesame met die eienaars Donaldson en Haines vergaan het.
