Eddie Hall
Eddie Hall | |
|---|---|
| Gebore | Edward Stephen Hall 15 Januarie 1988 Newcastle-under-Lyme, Engeland |
| Nasionaliteit | Engeland |
| Beroep | Sterkman, Media persoonlikheid |
| Eggenoot | Alexandra Hall |
| Kinders | 3 |
Edward Stephen Hall (gebore 15 Januarie 1988) is 'n Engelse mediapersoonlikheid en afgetrede sterkman. Hy is veral bekend vir die wêreldrekord wat hy opgestel het met 'n 500 kg deadlift in 2016, wat algemeen beskou word as een van die belangrikste optelle in die geskiedenis van sterkmankompetisie. Hy is ook bekend daarvoor dat hy die 2017 Wêreld Sterkman-kompetisie gewen het.
Hall het verskeie kere nasionale kompetisies soos Engeland se Sterkste Man, Brittanje se Sterkste Man en die Verenigde Koninkryk se Sterkste Man gewen.
In 2022 is hy verslaan deur mede World's Strongest Man-wenner Hafþór Júlíus Björnsson in 'n bokswedstryd wat as "The Heaviest Boxing Match in History" gemerk is.
Hy het sy eie televisiereeks genaamd Eddie Eats America (2018) aangebied en was te sien in die History Channel-reeks The Strongest Man in History (2019). Hy het sy eerste akteursrol as ekstra in die aksiefilm Expend4bles (2023) gehad.[1][2][3]
Vroeë lewe[wysig | wysig bron]
Edward Stephen Hall is op 15 Januarie 1988 in Newcastle-under-Lyme gebore. As tiener was hy 'n suksesvolle mededingende swemmer in sy ouderdomsgroep; hy het in 2001 aan die UK Nationals-swemkompetisie deelgeneem en vier goue medaljes en een silwer gewen terwyl hy twee Britse rekords in die proses opgestel het.
Hy het Clayton Hall Academy bygewoon, maar is op die ouderdom van 15 geskors en het tuisonderrig begin. Op die ouderdom van 16 begin hy 'n vakleerlingskap as 'n tegnikus by Lex Commercials. Na voltooiing van sy vakleerlingskap in 2008, het hy tot 2016 as werktuigkundige en tegnikus by die Robert Wiseman Dairies-terrein in Market Drayton begin werk.
Verwysings[wysig | wysig bron]
- ↑ "Strongman Eddie Hall Shares How He Trained for His 1,100 Pound Deadlift". Men's Health (in Engels (VSA)). 1 Februarie 2020. Besoek op 4 Junie 2023.
- ↑ "Britain's Eddie Hall defeats Game of Thrones star The Mountain to be crowned World's Strongest Man". The Daily Telegraph. 28 Mei 2017. Geargiveer vanaf die oorspronklike op 12 Januarie 2022. Besoek op 28 Mei 2017.
- ↑ Patuto, Greg (9 Junie 2023). "WATCH: Eddie Hall Tossed Over Bar By Sylvester Stallone In 'Expendables 4' Trailer". Generation Iron Fitness & Strength Sports Network. Besoek op 9 Maart 2024.
