Egiptiese staatsgreep van 2013

in Wikipedia, die vrye ensiklopedie
Spring na: navigasie, soek
Egiptiese staatsgreep van 2013
Deel van Arabiese Lente
Soldier in Tahrir.jpg
'n Egiptiese soldaat rus op 'n tenk in Tahrirplein
tydens die Egiptiese Rewolusie van 2011.
Datum 3 Julie 2013
Ligging Egipte
Resultaat President Mohamed Morsi word afgedank deur die Egiptiese Leër
Strydende partye
Vlag van Egipte Egiptiese Regering
Moslembroederskap
Vlag van Egipte Egiptiese Gewapende Magte
Egiptiese Polisie
Anti-Morsi betogers
Aanvoerders
President Mohamed Morsi
Hesham Qandil
Saad El-Katatni
Mohammed Badie
Khairat el-Shater
Abdul Fatah al-Sisi
Sedki Sobhi
Mohamed Ibrahim

Massiewe protesoptrede het in Julie 2013 tot 'n staatsgreep in Egipte gelei. Miljoene mense was op straat om die bedanking van Moslembroeder president Mohamed Morsi te eis. Die demonstrasies was groter as wat teen voormalige president Moebarak tydens die Egiptiese rewolusie in 2011 gepleeg is.[1]

Aanloop[wysig | wysig bron]

Na die rewolusie van 2011, in die raamwerk van die Arabiese Lente, word Mohamed Morsi die eerste demokratiesverkose president van Egipte. Onder die regime van Morsi kom egter geen verbetering in die Egiptiese ekonomie nie, die Egiptiese pond devalueer en daar ontstaan ​​spanning tussen die oorheersende Sunnis enersyds en die Christelike Kopten en Mohammedaanse Sjiïete andersyds.[2] Nadat Morsi homself op 22 Desember 2012 onbeperkte mag toegeëin het om die land te 'beskerm', lei dit na raming tot tweehonderdduisend betogers slegs in Kaïro. Vanaf April 2013 versamel die opposisiegroep Tamarod 22 miljoen handtekeninge via 'n petisie wat die ontslag van Morsi geëis het. Op 30 Junie, die eerste verjaardag van die inhuldiging van Morsi, vaar na raming 14 miljoen betogers die strate in om in die openbaar beswaar te maak teen die president en die Moslembroederskap wat te veel mag na hom toe sou trek. Die betogers sowel as die Egiptiese weermag stel 'n ultimatum aan die president en die politieke leiers om aan die wense van die volk te voldoen. Die massamanifestaties van voor- en teenstanders bly egter onverstoord voortgaan.

Staatsgreep[wysig | wysig bron]

Op 3 Julie 2013 voer die Weermag onder leiding van Abdul Fatah al-Sisi 'n staatsgreep op president Morsi uit. Die weermag het Morsi gevange geneem en Adly Mansour as interim-president aangewys. Op 25 en 26 Mei 2014 vind die volgende presidensiële verkiesing plaas, met Sabahi as enige teenkandidaat van Al-Sisi.

Nadraai[wysig | wysig bron]

Die staatsgreep het tot groot onrus gelei, met betogings en sitstakings wat weke lank voortgeduur het. Aanhangers van die Moslembroederskap, die party van die afgesette president, het Morsi se vrylating geëis asook sy terugkeer as president. Hewige konfrontasie tussen sy aanhangers met die onlustepolisie en Morsi-teenstanders het tientalle lewens geëis. Op 14 Augustus is twee proteskampe van Morsi-aanhangers in Kaïro ontruim. Tydens hierdie uitsettings en verwante konfrontasies is meer as 600 dood en enkele duisende beseer. Tydens hernuïde botsings die volgende dag het weer ruim 100 gesterf.

Vir etlike maande lank is 'n noodtoestand afgekondig en is daar in sommige woonbuurte 'n aandklokreël ingestel. Omdat baie Kopten in Egipte kant gekies het teen Morsi het die Moslembroeders teen hierdie minderheid gedraai. Tientalle kerke is ook aan die brand gesteek.[3]

Verwysings[wysig | wysig bron]

  1. http://www.al-monitor.com/pulse/originals/2013/06/egyptians-demonstrate-in-large-numbers-against-morsi.html
  2. Jos Strengholt, Anglikaanse priester in Kaïro, in die uitsending van 19 Augustus 2013 van Knevel & Van den Brink
  3. (nl) Gazet van Antwerpen (15 Augustus 2013). "Officieel al 522 doden bij onrust Egypte".