Ek gaan na die maan

in Wikipedia, die vrye ensiklopedie
Jump to navigation Jump to search
Wat wil jy na die maan neem?

Ek gaan na die maan is 'n woordspeletjie wat deur (of saam met) kinders gespeel kan word.

Die spel word begin deur te sê, "Ek gaan na die maan en vat 'n [iets eksoties] saam." Die tweede persoon moet al die vorige spelers se items herhaal en iets bylas. So kan die tweede speler sê, "Ek gaan na die maan en vat 'n tennisbaan en 'n swembad saam." Die spel gaan voort deur die lys al langer en langer te maak. As 'n speler 'n fout begaan is hy uit. Die speler wat die langste lys van items kan onthou wen.

Die spel kan gebruik word om ouditiewe geheue te verbeter. Dit is veral nuttig om kinders in 'n ingeperkte ruimte soos 'n kar besig te hou.

As 'n variasie kan die items in alfabetiese volgorde herhaal word.

Sien ook[wysig | wysig bron]