Elma Postma
| Elma Postma | |
| Geboorte | 6 September 1978 |
|---|---|
| Nasionaliteit | Suid-Afrika |
| Beroep(e) | Akteur |
| Webwerf | elmapostma.com |
| Internet-rolprentdatabasis-profiel | |
Elma Postma (6 September 1978) is 'n Suid-Afrikaanse aktrise. Postma is veral bekendheid vir haar rolle in Afrikaanse sepies, soos Dezi in 7de Laan (2000-2007) en Bea in Binneland (2011-2013). Sy maak haar rolprentdebuut in 2011 as Suster Suzaan in Superhelde. Sy was ook 'n aanbieder van Ontbytsake en Boer soek ‘n vrou op KykNET gewees.[1]
As model was Postma in 2011 die gesig van Hannon-parfuum, met slagspreuk: Be Glam by Day and Be Glam by Night. Sy het al op die voorblad van verskeie tydskrifte, soos Huisgenoot, Sarie, Rooi Rose, Lig en Finesse gepryk.
Behalwe televisie het Postma ‘n passie vir die teater. Sy het al in verskeie produksies op kunstefeeste gespeel, onder andere Hartsondes in 2004 (onder regie van Henry Mylne), Haaks in 2005, Monsters in 2006 (saam met Chris Vorster; onder leiding van Pierre van Pletzen) en Hel op Hemel en Aarde (regie deur Vicky Davis) tydens KKNK 2011, asook Vaselinetjie (Henry Mylne) by Aardklop 2011.
Sy doen ook gereeld radiowerk en tree as gasspreker by funksies op.
Filmografie
[wysig | wysig bron]- 'n Man Soos My Pa, 2015 as Ellie.
- Binneland, 2011- as Bea, 'n skakelbeampte by Binneland Kliniek (KykNET)
- Superhelde, 2011 as Suster Suzaan
- The Mating Game, 2010 as dr. Sara van Graan (TV-reeks op SAUK2)
- Kruispad, 2008 (KykNET)
- 7de Laan, 2001-2007 as Dezi van Jaarsveld Terreblanche (TV-reeks)
- Isidingo, 1998 en 2017 as Lalage Lategan
Verwysings
[wysig | wysig bron]- ↑ tvsa.co.za, besoek op 6 September 2014
Eksterne skakels
[wysig | wysig bron]- Postma se amptelike webtuiste Geargiveer 21 Augustus 2014 op Wayback Machine
- Postma se Facebook-blad
- Elma Postma in die Internet-rolprentdatabasis