Eystein

in Wikipedia, die vrye ensiklopedie
Östens hög ("Eystein se grafheuwel") by Östanbro, Swede.

Eystein of Östen (Sweeds), ook Eysteinn (Oudnoors), was in die Noorse sagas 'n legendariese koning van Swede se Huis van Yngling. Hy was die seun van Adils, wat hy opgevolg het, en is omstreeks 600 n.C. oorlede.

Eystein het oor Swede regeer teen die tyd dat die legendariese Deense koning Hrólf Kraki in Lejre dood is.[1] Dit was 'n moeilike tyd, toe baie seekonings die Sweedse kus geplunder het. Een van dié konings was Sölve, en hy was van Jutland (volgens Historia Norvegiæ was hy 'n Gaut). Hy het in Swede aangekom terwyl Eystein 'n fees bygewoon het. Sölve en sy manne het die huis omsingel en aan die brand gesteek. Almal is in die brand dood.[2] Sölve het die Swede toe opdrag gegee om hom as koning te aanvaar. Die Swede het geweier en 'n leër bymekaargemaak om teen hom te veg, maar Sölve en sy manne het hulle verslaan. Hulle moes hom toe as koning aanvaar, totdat hulle in opstand gekom en hom vermoor het.[3] Hy is deur Eystein se seun Ingvar opgevolg.

Verwysings[wysig | wysig bron]

  1. Snorri Sturluson
  2. Ekrem, Inger (red.), Lars Boje Mortensen (red.) en Peter Fisher (vert.) (2003). Historia Norwegie. Museum Tusculanum Press. ISBN 87-7289-813-5, p. 79.
  3. The Ynflinga saga, or the story of the Yngling family from Odin tot Halfdan the Black. By https://www.sacred-texts.com. Besoek op 9 Junie 2022.

Skakels[wysig | wysig bron]

Voorganger
Adils
Legendariese Sweedse koning Opvolger
Sölve