Folio Society

in Wikipedia, die vrye ensiklopedie
Jump to navigation Jump to search
Folio-uitgawe van The Life and Opinions of Tristram Shandy, Gentleman. Illustrasies: John Lawrence. Kunstenaar: Brian Dettmar

The Folio Society is 'n Londense boekuitgewery en privaat onderneming wat deur Charles Ede (1921-2002) in 1947 gestig en in 1971 geïnkorporeer is. Die uitgewery staan bekend vir sy ryklik geïllustreerde hardeband-uitgawes van klassieke fiksie- en nie-fiksiewerke, digbundels en kinderliteratuur. Besondere aandag word geskenk aan boekbinding en die grafiese uitleg van titels, met illustrasies wat deur kunstenaars vir fiksieboeke verskaf word en kunsvolle afbeeldinge of foto's in nie-fiksietitels. Baie titels word in boekkokers uitgegee.

The Folio Society is oorspronklik as 'n eksklusiewe boekklub bedryf wat sy boektitels slegs aan intekenaars wêreldwyd verskaf het, maar het besluit om sy werke ook toeganklik te maak vir die publiek. So is hul voormalige leessaal vir lede in Holborn omgeskep tot 'n boekwinkel waar duisende titels verkrygbaar is.[1]

Verwysings[wysig | wysig bron]

  1. Siobhan Wall: Quiet London - culture. London: Francis Lincoln Limited 2014, bl. 70-71

Eksterne skakels[wysig | wysig bron]