Gasbraaier

in Wikipedia, die vrye ensiklopedie
Jump to navigation Jump to search
'n Gasbraaier geskoei op die waentjie-ontwerp algemeen by groter gasbraaiers gevind.
LazyMan Model AP, die wêreld se eerste draagbare gasbraaier. Foto geneem in 1954.

Gasbraaiers gebruik gewoonlik vloeibare petroleum (LP) of natuurlike gas (NG) as hul brandstofbron met 'n gasvlam wat óf die voedsel direk gaarmaak, of roosterelemente verhit wat op hul beurt die hitte uitstraal wat nodig is om die kos gaar te maak.

Gasbraaiers is beskikbaar in verskillende groottes wat wissel van klein tot groot, industriële restaurantbraaiers wat gebruik word om vir groot groepe mense te braai. Gasbraaiers word ontwerp om óf LP óf NG te gebruik, hoewel dit moontlik is om die braaier te omskep van een gasbron na 'n ander.

Ontstaan[wysig | wysig bron]

Die buitemuurse gasbraaier is in die vroeë 1950's deur Don McGlaughlin, eienaar van die Chicago Combustion Corporation, uitgevind, en staan vandag bekend as LazyMan. McGlaughlin se vroeë ontwerp is aangepas en in 1954 het die Chicago Combustion Corporation die wêreld se eerste draagbare gasbraaier, die LazyMan Model AP bekend gemaak.[1]

Ontwerp[wysig | wysig bron]

Die meerderheid gasbraaiers beskik oor 'n waentjie-ontwerp: die braai-eenheid is aan 'n wielraam geheg wat ook die brandstoftenk huisves. Die wielraamwerk mag ook kanttafels ondersteun en ander funksies verrig.

'n Onlangse neiging by gasbraaiers is vir vervaardigers om 'n infrarooi-straalbrander aan die agterkant van die braairoosteromhulsel by te voeg. Hierdie straalbrander bied 'n egalige hitte oor die brander en is bedoel vir gebruik met 'n horisontale rotisserie. Die vleis (braaikuiken, beesvleis of varklende) word op 'n metaalpen geplaas wat dan deur 'n elektriese motortjie geroteer word. Kleiner vleissnitte kan op hierdie wyse gebraai word met behulp van 'n ronde metaalmandjie wat oor die metaalpen skuif.

Infrarooibraaiers[wysig | wysig bron]

'n Aangesteekte infrarooibrander, mens sien slegs die sigbare ligspektrum.

Infrarooi-braaiers werk deur die ontsteking van propaan of natuurlike gas wat 'n keramiekteël verhit, wat dan infrarooistraling gebruik om die kos gaar te maak. Die voordeel hiervan is dat die hitte eenvormig versprei oor die kookoppervlak en dat temperature van meer as 500 °C (900 °F) verkry kan word, wat gebruikers toelaat om items vinnig droog te braai.

Verwysings[wysig | wysig bron]

  1. Cart. "60 years of rich history! » LazyMan Gourmet Grills" (in Engels). Lazyman.com. Geargiveer vanaf die oorspronklike op 9 Oktober 2019. Besoek op 14 Junie 2015.