Blou oë, grys hare
Sterk is my hart se snare
Lank is my humeur se draad
Oral waar ek gaan plant ek saad
Noem my 'n digter, noem my 'n mens
vir jou het ek 'n groot wens
dra kennis van die man...
wees rustig - jy kan ontspan
My hart het baie woorde tuis
My mond geen keer met sy gebruis
My arms, sterk, dis om jou vas te hou
eendag... wanneer jy my meer vertrou
Ek hoor 'n lied hier uit my hart
dit is nie 'n lied van smart
dis 'n lied van geloof in wat mag wees
'n groot liefde bou in my ek is bevrees
Kennis van die man - sal jy my vergeef?
as ek my dae saam met jou wil leef
'n Kaapse draai het ek gemaak
Ons het ontmoet - jy het my hart aangeraak
In my gedagtes dwaal jy rond
Die lewe is soos note - rond en bont
Dankie vir jou tyd wat ek so steel
Kennis van die man wil ek met jou deel
Vat jou tyd leer my ken
Ek het tyd vir jou gewen
Volkome vriendskap - maar tot dan
neem goed kennis van die man
Die beste beskrywing vir my is onkondisioneel
ek wil jou nie met groot woorde verveel
maar 'n laaste gedagte net vir jou
Kennis van hierdie man - 'n gedagte om te onthou
Jou geheime is veilig by my
Jou glinsterende oë so sag soos sy
Jou pad het met myne gekruis vir 'n rede
My hartseer is iets van die verlede
Noem my wat jy wil, miskien is ek dan mal
Baie hard het ek vir jou geval
Om my kan jy rustig verkeer
Neem kennis van die man se ek alweer
Ja, van der Merwe is my van
ek sê weer, neem kennis van die man
eendag sal jy weet - kennis van die man
eendag sal jy verstaan - eendag is dan
So sluit ek af met vrede in my bloed
rustigheid in my menswees gemoed
as ek vannaand een wens kon kry
is jou hart - vir altyd - vir my
