Gebruiker:Taalfoendi
Hallo Wikipediane
Gewoonlik haat ek hierdie "Sê iets oor jouself"-hoekies, maar ek besef al hoe meer dat dit wel van belang is. Dit is net altyd moeilik vir my om te begin. Ek is lief vir skryf, maar nie oor myself nie. Nie te min, sal ek probeer.
Ek is 'n 25-jarige meesterstudent aan die Universiteit van Pretoria in die Afrikaanse Taalkunde. Ek is spesifiek doenig met navorsing aangaande die leksikografiese hantering van Afrikaanse vloekwoorde, met ander woorde, hoe definieer en hanteer Afrikaanse woordeboeke algemene vloekwoorde. Vloekwoorde is mos maar die nuwe opwindende navorsingsveld in tale en ek wil graag my bydrae maak!
Buiten my vloek-kaskenades, is ek ook sedert 1 Julie 2023 'n taalpraktisyn-intern hier by die Afrikaanse Wikipedia en dit is 'n absolute eer. Vir die volgende jaar gaan ek my lyf taalkundige hier op die blad hou en allerlei taalverwante bydraes en wysigings maak sowel as taalverwante vrae en onsekerhede beantwoord. Ek hoop regtig ek sal 'n verskil kan maak en 'n noemenswaardige bydrae kan lewer!
Dit is lekker om deel van die gemeenskap te wees!
Groete
Ankia Pepler - beter bekend as Taalfoendi