Gebruiker:Wordscape/temp19

in Wikipedia, die vrye ensiklopedie
Jump to navigation Jump to search
Simon Tseko Nkoli
’n Beeld van die betrokke persoonlikheid.
Gebore November 26, 1957
Soweto
Oorlede November 30, 1998
Huweliksmaat Roy Shepherd

Simon Tseko Nkoli (26 November 1957 – 30 November 1998) was ʼn anti-apartheid, gay regte en VIGS aktivis in Suid-Afrika.

Nkoli is gebore te Soweto in ʼn seSotho-sprekende familie. Hy het op ʼn plaas grootgeword in die Vrystaat en sy familie het later na Sebokeng verhuis. Nkoli het ʼn jeug-aktivis teen apartheid geword binne die Congress of South African Students (COSAS) en United Democratic Front.

Hy het in 1983 aangesluit by die Gay Association of South Africa (GASA) en die Saturday Group begin, die eerste swart gay groep in Afrika.

Nkoli het vergaderinge toegespreek in die Vaal ten gunste van huur-boikotte en is gearresteer in 1984 waarna hy die doodstraf in die oë gestaar het vir hoogverraad saam met een en twintig politieke leiers in die Delmas Hoogverraadsaak wat mense ingesluit het soos Popo Molefe en Patrick Lekota. Hulle het kollektief bekend gestaan as die Delmas 22. Deur uit die kas te kom as gevangene het hy die African National Congress se houding jeens gay regte help verander. Hy is vrygespreek en uit die tronk vrygelaat in 1988.

Hy het die Gay and Lesbian Organisation of the Witwatersrand in 1988 gestig. Verskeie menseregtetoekennings is aan hom gemaak in die VSA en Europa. As lid van die International Lesbian and Gay Association het hy die Afrika-streek verteenwoordig.

Hy was een van die eerste gay aktiviste wat in 1994 met die voormalige President Nelson Mandela ontmoet het. Hy het verder gehelp met die veldtog om beskerming teen diskriminasie ingesluit te kry in die Handves van Menseregte in die Suid-Afrikaanse Konstitusie van 1994, asook die herroeping van die sodomiewet in Mei 1998.

Nadat hy een van die eerste openbare HIV-positiewe gay swart mans geword het, het hy die Positive African Men-groep in sentraal Johannesburg geïnisieer. Hy was vir twaalf jaar lank geïnfekteer en was ernstig siek met tye tydens die laaste vier jaar van sy lewe voor sy dood in 1998 in Johannesburg.

ʼn Straat in Amsterdam is na hom vernoem asook ʼn Simon Nkoli Dag in San Francisco. Hy het die eerste Gay Spele in New York geopen en het die vryheid van die stad ontvang van die burgemeester David Dinkins. Die Stonewall Toekenning is aan hom toegeken in die Royal Albert Hall in Londen in 1996. Die Kanadese filmmaker John Greyson het ʼn kort film oor hom gemaak in 1987 getiteld A Moffie Called Simon.[1] Nkoli was die onderwerp van Robert Colman se teaterstuk "Your Loving Simon" in 2003 en Beverley Ditsie se film "Simon & I" in 2002. John Greyson se film Fig Trees in 2009, ʼn hibried dokumentêr en opera, sluit ook verwysing na Nkoli se aktivisme in.[2]

Eksterne skakels[wysig | wysig bron]

Verwysings[wysig | wysig bron]

Sunday Times, Suid-Afrika – 6 Desember 1998.

Aanhalings uit: Aldrich R. & Wotherspoon G., Who's Who in Contemporary Gay and Lesbian History, from WWII to Present Day, Routledge, London, 2001

Sien verder[wysig | wysig bron]