Gebruikerbespreking:Trencalos

Welkom & hulp

Hallo Trencalos Met verwysing na jou navraag by die geselshoekie oor hoe om 'n artikel te vertaal, laat ek probeer:

1. Eerste stap is sommer bietjie in die sandput te speel om gemaklik te raak met hoe dinge hier werk. Die sandput is 'n spesiale bladsy waar jy maar kan aanvang net wat jy wil. Jy kan enige iets wat reeds daar is uitvee, jou eie goed intik en net kyk wat gebeur - en niemand sal vir jou kwaad wees nie. Kliek nou op Wikipedia:Sandput en dan op die wysig skakel wat op die bladsy beskikbaar is. Tik enige iets wat jy wil in en kliek die Stoor bladsy knoppie - en sie daar jy het die bladsy verander! Jy kon ook op Wys voorskou kliek. Dit sal ook vir jou die bladsy met jou veranderinge wys, maar dit sal die bladsy nie regtig verander nie - dit sal net vir jou wys hoe dit sou lyk as jy Stoor Bladsy sou kliek. Wys voorskou is ook anders as stoor bladsy in die sin dat jy steeds toegang sal hê tot die redigeerbare teks. Jy kan nog veranderinge maak en weer Wys voorskou kliek, of jy kan die bladsy stoor.
   Ek sou voorstel jy doen dit tot jy gemaklik is met die proses. Ek sou ook bietjie probeer om 'n opskrif te skep, 'n skakel na 'n ander bladsy skep en so aan. Daarvoor moet jy dalk bietjie van die hulp lees wat jy kan bereik met die hulp skakel wat altyd links bo onder die Wikipedia kenteken effens bo die soek boksie beskikbaar is.
   As jy nog met ons is, is dit tyd vir die volgende stap:
2. Jy moet 'n artikel kry wat of nie in Afrikaans bestaan nie of wat kan baat by vertaling van teks uit 'n ander taal. Op die geselshoekie is daar 'n paar voorbeelde gelys. As een van die in jou belangstelling veld val kan ons dit aanpak. Anders laat weet wat jou interesseer dan help ek kyk. Ek stel hier onder 'n kort artikeltjie oor die Vaaldrieheok voor as iets om mee te begin - daar is natuurlik baie ander moontlikhede, maar kies liefs eers iets wat nie te veel tabelle en prente in het nie.
3. Jy moet die bron kode van die artikel in die ander taal in die hande kry. Op al die tale is daar 'n skakel soos die wysig skakel wat op die bladsy voorkom. In Engels is dit Edit, Duits Seite bearbeiten, in Nederlands bewerk en so aan. OK kom ons kyk na sê maar die Engelse artikel oor die Vaaldriekhoek - die Engelse artikel is by en:Vaal Triangle. Kliek op die skakel na Vaal Triangle en gaan kyk hoe lyk die bladsy. Daar sal 'n edit skakel linkserig bo aan die bladsy wees. Kliek daarop. Daar sal dan 'n redigeerbare venster verskyn soortgelyk aan die een waarin jy die boodskap in getik het. Jy kan dit doen sonder om op die Engelse wikipedia te gaan registreer. Jy moet dan 'n kopie maak van die bronteks wat in die redigeer venster verskyn. Ek neem aan jy weet hoe om te kopieër en plak (Copy & Paste) - as jy nie weet nie laat weet maar. Ek vind dit makliker om die teks in 'n woordverwerker te plak en dan daar aan die teks te werk. Los die Engelse artikel on aangeraak deur die back knoppie op jou blaaiers (browser soos Internet Explorer of Firefox) te kliek. Vertaal die teks en dan kan ons begin om die Afrikaanse artikel te skep. As jy genoeg in die sandput gespeel het sal jy die tekens tussen die teks verstaan. Op die kort artikeltjie is daar eintlik net skakels na ander bladsy en goed wat vetgedruk is. Jy kan die tekens vir eers net daar los en net die engels binne en om dit vertaal.
4. Om nou die Afrikaanse artikel met die naam Vaaldriehoek te skep moet jy die volgende doen: Kliek op hierdie rooi skakel: Vaaldriehoek. Plak dan die vertaalde teks in die redigeerboks en kliek Stoor Bladsy. En dit behoort al te wees. As jy so ver gekom het sal ons help om verdere afronding te doen en dan kan mens na van die ander meer gevorderde goed kyk wat in langer artikel voorkom soos foto's, tabelle en so aan.
5. Om te wys daar is 'n Afrikaanse artikel gaan jy die Enegelse artikel moet verander. Jy kan dit as 'n anonieme gebruiker doen of jy kan daar ook vir jou 'n gebruiker skep. Jy doen dit deur onder aan die artikel 'n skakel in te sit wat so lyk: [[af:Vaaldriehoek]]. In die geval bestaan die artikel op die oomblik net in Engels, Maar as gewoonlik sal daar sommer 'n hele lang lys van wat ons Interwikiskakels noem wees. Jy mote dan ook op die Afrikaanse artikel wat jy gaan skep 'n skakel na die Engelse artikel byvoeg soos [[en:Vaal Triangle]]. Jy hoef nie die Afrikaanse skakel by al die ander artikel te gaan by sit nie. Daar is robotte wat dit doen as van die interwikiskakels bestaan. Maar daar moet ten minste een wees wat die verbinding daar stel.

Sterkte! (en vra maar gerus verder om hulp. Laurens 20:54, 15 Januarie 2007 (UTC)