Gibbs Aquada
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Gibbs Aquada is 'n amfibievoertuig wat geskoei is op die Mazda MX-5. Dit word deur die gebore Nieu-Seelander, Alan Gibbs, ontwikkel. Die firma wat hierdie voertuig produseer, Gibbs Technologies, is in Warwickshire naby Coventry geleë.
Op land kan die Aquada met sy 128 kW-sessilinderenjin in V-formasie tot 160 km/h haal. Op die water word 48 km/h bereik deur waterstraalaandrywing en sy ingerigte bakwerkstruktuur. Met die druk van 'n knoppie klap die wiele in om te dryf en die motor verander binne 12 sekondes in 'n boot. Hierdie meganisme is in "Landmodus" gesluit en word eers weer geaktiveer sodra die voertuig in "Watermodus" is. Dit verseker dat die wiele nie inklap wanneer daar op land rondgery word nie.
Daar is 60 patente vir die voertuig geregistreer. Een van hierdie patente word die HSA genoem, wat vir High Speed Amphibian staan. Richard Branson het in 'n Aquada oor die Engelse kanaal (van Dover na Calais) binne 90 minute gevaar. Die vorige wêreldrekord met 'n amfibievoertuig is 40 jaar tevore deur twee Franse geslaan. Dit het byna ses ure met 'n Amphicar uit Duitsland geduur.
Eksterne skakels[wysig | wysig bron]
- (en) Amptelike webwerf Geargiveer 23 Julie 2007 op Wayback Machine
- (de) Netzeitung
- (de) Handelsblatt