Grofsmid

in Wikipedia, die vrye ensiklopedie
Spring na: navigasie, soek
'n Grofsmid met 'n yster in die vuur.
'n Stuk yster word in die regte vorm gekap.

'n Grofsmid is 'n persoon wat met yster en staal werk. Die grofsmid hamer warm metaal op 'n aambeeld om die vorm daarvan te verander.

Die grofsmid maak vuur in 'n vuurherd waarin die metaal verhit word sodat dit sagter word en makliker vervorm kan word. Die vuur word gewoonlik met 'n blaasbalk aangejaag. As die metaal warm genoeg is, word dit uit die vuur gehaal en op 'n aambeeld geplaas. 'n Hamer word dan gebruik om die metaal in die verlangde vorm te kap. Die metaal kan ook in stukke opgedeel, gelas, gerek, gebuig of gegiet word. Die proses staan as die smee van die metaal bekend. Sodra die verlangde produk verkry word, word dit in koue water afgekoel.

Soms word die gesmeede eindproduk gepoleer en met insetsels versier. Die grofsmid kan selfs sy merk of sekere woorde op die metaal graveer.