Wys bron van Groothertog Kirill Wladimirowitsj van Rusland

{{Oos-Slawiese naam|Wladimirowitsj|Romanof}}
{{Inligtingskas 
|naam = Groothertog Kirill Wladimirowitsj
|kleur = 
|beeld = Grand Duke Kirill Vladimirovich Romanov.JPG
|beeld_wydte = 200px
|beeld_onderskrif = 
|beeld2 = 
|beeld2_wydte = 
|beeld2_onderskrif = 
|opskrif1 = Huis
|1 = [[Huis van Romanof|Holstein-Gottorp-Romanof]]
|opskrif2 = Gebore
|2 = {{OuVormDatum|12 Oktober|1876|30 September}}
|opskrif3 = Oorlede
|3 = 12 Oktober 1938
|opskrif4 = Eggenote
|4 = [[Prinses Victoria Melita van Sakse-Koburg en Gotha]]
|opskrif5 = Kinders
|5 = Maria, Kira, [[Groothertog Wladimir Kirillowitsj van Rusland|Wladimir]]
|opskrif6 = Vader
|6 = [[Groothertog Wladimir Aleksandrowitsj van Rusland|Groothertog Wladimir Aleksandrowitsj]]
|opskrif7 = Moeder
|7 = Marie van Mecklenburg-Schwerin
}} 
'''Groothertog Kirill Wladimirowitsj van Rusland''' ([[Russies]]: Кирилл Владимирович Романов; {{OuVormDatum|12 Oktober|1876|30 September}} – 12 Oktober 1938) was lid van die [[Rusland|Russiese]] keiserlike familie. Ná die [[Russiese Rewolusie (1917)|Russiese Rewolusie]] van [[1917]] en die dood van [[Nikolaas II van Rusland|tsaar Nikolaas II]] en sy broer, [[Groothertog Michail Aleksandrowitsj van Rusland|Michail]], het Kirill die hoofskap van die keiserlike familie oorgeneem. Hy het later die titel "keiser en outokraat van Rusland" aangeneem.

== Vroeë lewe ==
Groothertog Kirill is in [[Tsarskoje Selo]] gebore. Sy pa was [[Groothertog Wladimir Aleksandrowitsj van Rusland|Groothertog Wladimir Aleksandrowitsj]], die derde oudste seun van [[Aleksander II van Rusland|tsaar Aleksander II]] en sy ma was hertogin Marie van Mecklenburg-Schwerin (later bekend as groothertogin Maria Pawlowna), die dogter van [[Friedrich Franz II van Mecklenburg-Schwerin]]. 

== Oorlog ==
Kirill het ’n loopbaan in die Russiese vloot gevolg. Tydens die [[Russies-Japannese Oorlog]] was hy eerste offisier van die oorlogskip Petropawlofsk, maar dit is in April 1904 deur ’n Japannese [[seemyn]] opgeblaas.<ref name=Cyril>{{cite news |title=Grand Duke Cyril Dies In Paris Exile |publisher=New York Times |page=23 |date=13 Oktober 1938 }}</ref> Kirill het net-net ontkom en het die vloot verlaat weens sy beserings.

== Huwelik en kinders ==
[[Beeld:Victoria Melita and her two youngest children.JPG|duimnael|links|220px|Victoria en Kirill by hul twee jongste kinders Kira en Wladimir.]]
Kirill is op 8 Oktober 1905 getroud met sy niggie, [[prinses Victoria Melita van Sakse-Koburg en Gotha]].<ref name=adg>{{cite book |year=1998 |publisher=Almanach de Gotha |edition=182ste |title=Almanach de Gotha |page=214 }}</ref> Victoria se pa was [[Alfred, Hertog van Sakse-Koburg en Gotha]], die tweede oudste seun van koningin [[Victoria van die Verenigde Koninkryk]] en haar ma groothertogin Marie Aleksandrowna van Rusland, ’n dogter van tsaar Aleksander II en dus Kirill se tante aan vaderskant.

Kirill se troue het ’n skandaal onder die Europese adellikes veroorsaak omdat prinses Victoria geskei was van haar eerste man, [[Ernst Ludwig, Groothertog van Hesse|groothertog Ernst Lodewyk van Hesse]], wat ook haar neef was. Groothertog Ernst was die broer van [[prinses Alix van Hesse-Darmstadt|tsarina Aleksandra]], die vrou van Nikolaas II. Die tsarina het nie van haar skoonsuster gehou nie en het ’n groot rol gespeel in die teenstand teen die huwelik aan die Russiese hof. Kort ná Kirill se terugkoms in Rusland het die tsaar hom sy keiserlike toelae, titel "keiserlike hoogheid", militêre toekennings en vlootrang ontneem, en het hom uit Rusland verban.<ref>{{cite news |title=Czar Furious with Cousin |publisher=New York Times |page=6 |date=15 Oktober 1905 }}</ref><ref>{{cite news |title=Grand Duke Degraded |publisher=New York Times |page=1 |date=17 Oktober 1905 }}</ref>

Ná die dood van groothertog Aleksei Aleksandrowitsj was Kirill egter derde in lyn vir die troon en Nikolaas II het hom sy rang van kaptein in die Russiese vloot teruggegee.<ref>{{cite news |title=Death Wins Pardon for a Grand Duke |publisher=New York Times |page=6 |date=19 November 1908 }}</ref> Sy vrou het die titel groothertogin Wiktoria Fjodorowna gekry. In 1913 het Kirill by die maritieme afdeling van die keiserlike wag aangesluit en in 1915 het hy bevelvoerder van die vlootwag geword.

Kirill en Victoria het drie kinders gehad:
* Maria (2 Februarie 1907 – 27 Oktober 1951)
* Kira (9 Mei 1909 – 8 September 1967)
* [[Groothertog Wladimir Kirillowitsj van Rusland|Groothertog Wladimir Kirillowitsj]] (30 Augustus 1917 – 21 April 1992), wat sy pa opgevolg het as aanspraakmaker op die Russiese troon.

== Rewolusie ==
Tydens die [[Februarie-rewolusie]] van 1917 het Kirill, met ’n rooi band aan sy uniform, sy regiment gebring om trou te sweer aan die [[Russiese Oorgangsregering]].<ref name=Cyril/><ref>{{cite news |title=Duke Cyril Prompt to Side with Duma |publisher=New York Times |page=2 |date=17 Maart 1917 }}</ref> Dit het lede van die keiserlike familie ontstel en van hulle het hom verwerp as wettige erfgenaam van die troon.

Ná die [[Russiese Rewolusie (1917)#Oktober-rewolusie|Oktober-rewolusie]] het Kirill en Victoria na [[Finland]] gevlug en van daar na Koburg in [[Duitsland]]. Hulle het eindelik in [[Frankryk]] gaan woon.

== Lewe oorsee ==
Op 8 Augustus 1922 het Kirill homself verklaar tot "kurator van die Russiese troon", ’n titel wat nie bestaan het nie. Twee jaar later, op 31 Augustus 1924, het hy die titel "keiser en outokraat van Rusland" aangeneem.<ref name=adg/> Hoewel hy kragtens die Russiese reg die hoofaanspraakmaker op die troon was ná die moord op Nikolaas II en sy gesin deur die [[Bolsjewis]]te, het hy teenstand gekry omdat sy ma met sy geboorte tot ’n [[Lutheranisme|Lutherse]] kerk behoort het. Nadat hy aanspraak op die troon gemaak het, het hy bekend geword as die "Sowjet-tsaar" omdat hy voorgeneem het om aspekte van die Sowjet-regering te behou indien die monargie weer ingestel word.<ref name=Cyril/>

Terwyl hy in bannelingskap gewoon het, het sekere Russiese emigrante hulle by hom geskaar, terwyl ander gemeen het ’n volksraad sou die nuwe tsaar moes kies indien daar weer een sou wees. Kirill se seun, groothertog Wladimir, het hom opgevolg as die hoof van die dinastie, hoewel ’n deel van die Romanof-familie dit teengestaan het. 

==Sien ook==
*[[Lys van groothertoë van Rusland]]
*[[Huis van Romanof]]

== Verwysings ==
{{Verwysings}}

== Skakels ==
{{Commons-kategorie inlyn|Grand Duke Cyril Vladimirovich of Russia}}

{{Groothertoë van Rusland}}
{{Aanspraakmakers op die Russiese troon sedert 1917}}
{{Normdata}}

{{DEFAULTSORT:Kirill Wladimirowitsj}}
[[Kategorie:Huis van Romanof]]
[[Kategorie:Groothertoë van Rusland]]
[[Kategorie:Aanspraakmakers op die Russiese troon]]
[[Kategorie:Geboortes in 1876]]
[[Kategorie:Sterftes in 1938]]