HDTV

in Wikipedia, die vrye ensiklopedie

Hoëdefinisie-televisie of H DTV is 'n nuwe TV-standaard wat die hoogste kwaliteit kan bied. In teenstelling met die ou PAL-, NTSC- en SECAM-standaarde wat geskik is vir gewone beeldbuise tot by 72 cm, eis nuwe tegnologieë soos plasma en vloeikristalle wat vir groter skerms gebruik word meer beeldlyne en hoër resolusies.

HDTV bied teenswoordig 720 of 1080 beeldlyne. Op geskikte skerms maak skerper en meer plastiese beelde nou fynste details sigbaar.

Aanbieders[wysig | wysig bron]

HDTV word reeds in verskeie lande, waaronder die Verenigde State, Japan, Suid-Korea, Meksiko, Brasilië en Australië, uitgesaai. In Europa, waar in 2004 slegs een Belgiese betaalkanaal (HD1) via die satelliet Astra opgevang kan word, is HDTV in 2005 ingevoer. Sedert 1 Junie 2005 word HD1 se programme ook in die nuwe MPEG-4-standaard uitgesaai.

Tydens die Consumer Electronics Show (CES) 2005 in Las Vegas is 'n verskeidenheid nuwe HDTV-toerusting vir TV-ateljees en verbruikers bekend gestel, en die statistieke gegewens oor die verspreiding van die tegnologie was bemoedigend. In die Verenigde State het die aantal TV-kanale wat HDTV-programme uitsaai reeds in 2004 tot 1 000 gestyg; die TV-netwerk CBS bied sy aandprogram tussen 8 en 11 uur nm gereeld in hoë resolusie aan, en ook kabel-TV-aanbieders soos HBO en Discovery saai 'n aansienlike gedeelte van hul programme in HDTV uit. DirecTV het aan die einde van die jaar 39 satellietkanale in HDTV-kwaliteit in bedryf.

In Europa het 'n aantal satelliet- en kabeltelevisiestasies begin om programme in hoë resolusie te beeldsaai. Ook die spele van die Sokker-Wêreldkampioenskap, wat 2006 in Duitsland plaasgevind het, is in hoë resolusie aangebied. Ter geleentheid van die Atletiek-wêreldkampioenskappe in Berlyn het die openbare Duitse uitsaaier ARD in Augustus 2009 naas die sportwedstryde ook twee episodes van Sweedse speurreekse (Irene Huss en Wallander) in HDTV gebeeldsend. Dit was die eerste van drie toetsreekse wat vir 2009 beplan is.

Die eerste HDTV-kanaal in Suid-Afrika sal volgens die maatskappy Sentech in 2010 beskikbaar wees.[1]

HDTV-resolusies[wysig | wysig bron]

Formaat Resolusie: Beeldelemente/Lyne Aftasting Beelde per sekonde Beelde verskyn as Aspekverhouding
720p 50 1280 x 720 Progressief 50 Volbeelde 16:9
720p 60 1280 x 720 Progressief 60 Volbeelde 16:9
1080i 25 1920 x 1080 Interlaced 50 Halfbeelde 16:9
1080i 30 1920 x 1080 Interlaced 60 Halfbeelde 16:9

Internasionale standaard-resolusies[wysig | wysig bron]

Standaard-resolusies

Eksterne skakel[wysig | wysig bron]

Verwysings[wysig | wysig bron]