Handjietennis
Handjietennis is 'n baie gewilde skoolspeletjie wat grootliks in Suid-Afrika gespeel word. Dit behels 'n bal (gewoonlik 'n tennisbal), en oor die algemeen 2 of 4 blokke en 2 of 4 spelers onderskeidelik. Alhoewel daar soms met 3 blokke of ander hoeveelhede gespeel word.
Doel[wysig | wysig bron]
Die doel is om " King" te word en solank moontlik in die speletjie te bly sonder om: "direk" te slaan, "direk uit" te slaan, die bal twee keer in die blok te laat hop en nie die bal twee keer te raak nie.
Reëls[wysig | wysig bron]
Die reëls van Handjietennis is nie amptelik nie en dus verskil dit effens van plek tot plek en ook van speler tot speler. Hierdie is slegs die algemeenste reëls. Die area waarop gespeel word, word in vier of meer blokke gedeel. Die blokke is genoem "King" (die hoogste rang), "Queen" (Tweede hoogste), "Jack" (derde hoogste) en "Ace"(die laagste en soms ook genoem "Toiletvis" of "Donkie"). Die res van die oorblywende blokke het geen spesifieke naam nie. Ter wille van gemak om die reëls te verduidelik is die persoon wat die bal ontvang die "ontvanger" en die persoon wat die bal slaan die "diener".
Die reëls is die volgende[wysig | wysig bron]
- Die spelers besluit of net die "King" dien en of dit "anyone's serve" is wat beteken dan enige deelnemer die bal mag dien.
- Die bal mag nie twee of meer keer in 'n blok hop nie, anders is die persoon uit.
- Die diener, sowel as enige ander speler, mag nie die bal oor die lyn slaan nie, anders is dit "direk" en die persoon is uit. Die bal mag ook nie oor die lyn hop, sonder dat die bal eers indie huidige speler se eie blok gehop het nie, die reël geld ook gedurende spel.
- As die diener sowel as enige ander speler die bal uit die speel area uit slaan is dit "Direk uit" en is die diener of betrokke speler dan uit.
- Die bal mag nie twee of meer keer aan geraak word gedurende die ronde nie. Dié oortreding staan bekend as "Double touch."
- As die bal tussen die blokke hop, dan is dit lyn en die spel gaan voort soos normaal.
- "Rebounds" is wanneer die bal teen die muur geslaan word, dié reël is opsioneel
- As die speler uit is op enige van die bogenoemde maniere, skuif hy tot in die laaste beskikbare blok.
Soos die spelers uitgehaal word, skuif die spelers op in rang. As die "King" uit is dan skuif die "King" na die heel laaste blok toe, die "Queen" na die "King" toe, die "Jack" na die "Queen" toe en die "Ace" na die "Jack" toe. As dit nie die "King" is wat uit is nie, dan beweeg die speler wat uit is na die heel laaste beskikbare blok. Die oop spasies word dan gevul soos bogenoem. Slegs die speler wat uit is en die range laer as hy skuif op. Byvoorbeeld as die "Queen" uit is bly die "King" op sy posisie, maar die "Queen" word gevul met die "Jack", die "Jack" met die "Ace" en die "Ace" met die volgende persoon in die blok agter daardie persoon.