Hidroloog

in Wikipedia, die vrye ensiklopedie
Jump to navigation Jump to search
Die ruimtevaarder en hidroloog, Joseph M. Acaba.

'n Hidroloog is 'n deskundige op die gebied van (die kringloop van) water. In die praktyk begin die vakgebied van hidrologie op die oomblik wat reën val, en nie weer verdamp nie. Daarmee sluit dit nou met meteorologie (weerkunde) aan.

Vervolgens hou 'n hidroloog homself besig met die vraag hoeveel water deur slote, dreine of afstroming oor die oppervlakte weggevoer word, en hoeveel in die grond insypel. Hidroloë wat na kanale en slote omsien word oppervlakwater-hidroloë genoem.

As die water in die grond intrek, kom dit via die wortelsone van gewasse by die grondwater uit. Die hidroloë wat hulself met watervoorsiening vir landbougewasse besig hou word agro-hidroloë genoem.

Die grondwater-hidroloë (of geohidroloë) hou hulself besig met die beweging van ondergrondse water. Vandaar kan die water weer na die oppervlakte opborrel, of selfs dieper in die aarde intrek. Uiteindelik kan dit by die see uitkom, of vir benutting opgepomp word.

Omdat dit nie slegs oor die omvang van strome gaan nie, maar ook oor die chemiese samestelling van die water, is daar 'n noue verband met bodem- en geo-chemici.