Induksie-kookplaat

in Wikipedia, die vrye ensiklopedie
Jump to navigation Jump to search
'n Induksie-stoof
'n Vroeë induksie-kookplaat van 1909
Illustrasie uit: Rankin Kennedy: Electrical Installations. Vol. II. London: Caxton 1909
'n Chinese induksie-kookplaat met raakbeheer en outomatiese programme vir gunstelingdisse soos Chinese hot pot en hawermoutpap
'n Kompakte induksie-kookplaat, van die kant gesien

Induksie-kookplate is moderne kookplate wat die onderkant van ferromagnetiese kookgereedskap deur middel van werwelstrome verhit. Onderkant die glaskeramiek-plaat, waarop panne en kookpotte geplaas word, lê 'n spoel wat elektriese spanning kry en sodoende magneetvelde veroorsaak. Die magneetvelde begin die onderdeel van die kookgereedskap regstreeks verhit.

Induksie-kookplate bespaar tyd en energie, aangesien hulle anders as konvensionele kookplate nie eers die verhittingselemente en glaskeramiekplaat moet verhit nie. 'n Pot met water begin binne enkele minute te kook. Hitte en kooktyd kan vooraf noukeurig bepaal en onmiddellik verander word, en die induksie-kookplaat reageer onmiddellik en net so vinnig op enige verandering as 'n gasstoof-kookplaat.

Tydens die kookproses word die induksie-kookplaat self nie verhit nie en verwarm slegs weens die warm onderdeel van die kookpot. As die pot verwyder word, word ook die kookplaat outomaties afgeskakel. Daarnaas erken induksie-kookplate selfstandig of 'n kookpot en pan magneties en dus geskik vir induksie-kook is of nie. Ongeskikte of leë gereedskap word nie verhit nie, en die kookplaat skakel hom af.

Geskikte kookgereedskap is vlekvrye staal met ferromagnetiese drielaag-onderdele, gietyster- en geëmaljeerde kookpotte en panne. Keramiek, glas, koper, aluminium en gewone staal is nie geskik vir induksie-kookplate nie.

Geskiedenis[wysig | wysig bron]

Die eerste patente vir induksiestowe is reeds in die vroeë 20ste eeu in Engeland toegeken, alhoewel die uitvinding nie verder ontwikkel is deur 'n praktiese toepassing nie. In 1933 is induksie-kooktegnologie ter geleentheid van die Century of Progress-tentoonstelling in Chicago vir die eerste keer aan die wyer publiek bekend gestel.[1]

In 1956 het die Amerikaanse onderneming Frigidaire, destyds nog 'n dogtermaatskappy van General Motors, enkele toetstoestelle aan gehore getoon - met 'n dagblad tussen induksie-kookplaat en kookpot wat nie aan die brand geslaan het nie toe water in die pot begin kook het.[2] Die tegnologie het deel uitgemaak van Frigidaire se konsep vir die kombuis van die toekoms (Kitchen of Tomorrow).[3]

Verwysings[wysig | wysig bron]

Eksterne skakels[wysig | wysig bron]