Infeksie

in Wikipedia, die vrye ensiklopedie
Infeksie
Klassifikasie en eksterne bronne
'n Malaria-spoor beweeg deur sy gasheer
'n Malaria-spoor beweeg deur sy gasheer
ICD-10 A00-B99
ICD-9 001-139
MeSH D003141
Mediese waarskuwing

Infeksie is wanneer 'n mikro-organisme 'n persoon se liggaam binnekom en dan vermenigvuldig (dit hoef nie noodwendig skadelik te wees nie). As die organisme skade aanrig, en die normale funksie van die gasheer versteur, word dit 'n siekte genoem. In erge gevalle kan 'n infeksie tot die dood van die geïnfekteerde individu lei.

Die betrokke mikro-organisme wat iemand siek maak, word 'n patogeen (of siekteverwekker) genoem. As die patogeen nie deur die immuunstelsel herken en verwyder word nie, word daar van 'n besmetting eerder as 'n infeksie gepraat.[1] 'n Infeksie het dikwels inflammasie tot gevolg. Soos die patogeen deur die liggaam versprei sal die liggaam teenliggaampies vervaardig. Ontleding van die teenliggaampies kan help om te bepaal met welke patogeen die liggaam geïnfekteer is.

Infeksies kan deur virusse, bakterieë, parasiete en swamme veroorsaak word. Hierdie vier soorte is vir die meeste aansteeklike siektes verantwoordelik. Daar is ook ander soorte. Malkoeisiekte word byvoorbeeld deur prione veroorsaak. Prione is 'n tipe virus wat basies uit abnormale klompe proteïene bestaan. Ons is nie eens seker of prione lewendig is nie, maar hulle tree net soos ander aansteeklike siektes op.

Verwysings[wysig | wysig bron]

  1. Rode Kruis Ziekenhuis Beverwijk (September 2005). "Patiënteninformatie — Besmetting met HIV" (PDF) (in Nederlands). Geargiveer (PDF) vanaf die oorspronklike op 4 Maart 2016. Besoek op 17 Mei 2011.

Eksterne skakels[wysig | wysig bron]