Gaan na inhoud

Jaycees

in Wikipedia, die vrye ensiklopedie

Die Jaycees is ‘n internasionale vereniging van jong sakemanne om hulle voor te berei op leierskapsrolle in hul onderskeie gemeenskappe.

Die vereniging het as doel om by jong sakemanne (slegs mans tussen die ouderdomme van 18 en 40 jaar) ‘n besef te skep wat die verantwoordelikhede van goeie burgerskap inhou. Om hierdie doel te bereik moet individuele lede deelneem aan projekte om het leierskappotensiaal te ontwikkel, die ekonomiese ontwikkeling van hul gemeenskap bevorder en ‘n goeie gesindheid tussen alle mense probeer nastreef. Lidmaatskap bied die geleentheid om diens te verleen en sodoende op verskeie gebiede ervaring op te doen. Leierskapontwikkeling vind ook plaas deur kursusse by te woon in openbare redevoering, sakebestuur, komiteewerk en vergaderingprosedure.

Tipiese gemeenskapsprojekte waarin lede betrokke is, is die skep van werksgeleenthede vir hulbehoewendes, onderwys aan verstandelik minderbedeeldes, tussenskoolse debatskompetisies en die kies van ‘n junior sportpersoon van die jaar.

Die naam Jaycees is na aanleiding van die oorspronklike Engelse naam van die organisasie, naamlik die Junior Chamber of Commerce.

Bibliografie[wysig | wysig bron]