Joe Bloom

in Wikipedia, die vrye ensiklopedie
Jump to navigation Jump to search
Joe Bloom.

Joe Bloom (Kovneh, Litaue, 22 Desember 1909 – onbekend) was ’n Suid-Afrikaanse sakeman.

Bloom is in sy geboorteland opgevoed en het in 1928 in Suid-Afrika aangekom as gekwalifiseerde tandheelkundige tegnikus. As sodanig het hy tot 1947 gepraktiseer, toe jy juweliersware begin vervaardig het. Hy was die eerste mens in Suid-Afrika wat ’n tandheelkundige tegniek bekendgestel het wat modern was in die giet van edelmetaal. Skaars 15 jaar later het hy een van die grootste juweliersfabrieke in Suid-Afrika gehad.

Bloom is in 1935 met Ida, dogter van E. Hirsowitz, getroud, en twee seuns en een dogter is uit hul huwelik gebore. Sy liefhebberye was edelstene slyp, fotografie, lees, ingenieurswese en rolbal. Hy het behoort aan die Beaconsfield-klub, die Johannesburgse Edelsteen-klub en die Emmerentia-rolbalklub.

Bron[wysig | wysig bron]

  • (af) (en) Kruger, dr. D.F. 1963. Wie is wie in Suid-Afrika. Johannesburg: Vitae Uitgewers.