Johannes J. Smith

in Wikipedia, die vrye ensiklopedie
Spring na: navigasie, soek
Johannes J. Smith
’n Beeld van die betrokke persoonlikheid.
Geboortenaam Johannes Jacobus Smith
Gebore 5 Oktober 1883
Tulbagh
Oorlede 18 Junie 1949
Nasionaliteit Suid-Afrika
Beroep Taalkundige
Bekend vir Redigeer eerste Afrikaanse woordeboek
J.J. Smith as student op Stellenbosch, 1905.

Professor Johannes Jacobus Smith (5 Oktober 1883 - 18 Junie 1949) was 'n Suid-Afrikaanse taalkundige en eerste redakteur van die amptelike Afrikaanse Woordeboek. Hy is naby Tulbagh gebore en ontvang sy opleiding in die Paarl en Stellenbosch voordat hy sy studies in die buiteland voortsit. Hier spesialiseer hy in die Germaanse tale. In Londen word hy tot die balie toegelaat en behaal die hoogste punte in Engeland. In 1914 word hy dekaan van die fakulteit Duits en Frans aan die destydse Victoria-kollege. Nadat dié kollege sy naam verander na die Universiteit van Stellenbosch in 1919 word hy professor in Afrikaans. Tussendeur was hy die redakteur van Ons Moedertaal en Die Huisgenoot van 1917 tot 1924. Hy was 'n lid van die SA Akademie en het gehelp om spelreëls te standaardiseer. Van 1925 tot 1943 was hy die redakteur van die Afrikaanse Woordeboek en hier het hy reusewerk verrig. Hy was ook betrokke in die geskil met die Akademie oor spelreëls totdat 'n kompromis bereik is in 1932. Hy was ook lid van die Pleknamekommissie en van die Gesamentlike Matrikulasieraad en ook 'n trustee van die Suid-Afrikaanse Kunsgalery. Hy tree in 1943 af as redakteur van die Woordeboek en is oorlede in 1949.

Bron[wysig | wysig bron]