Juniusmanuskrip
Die Juniusmanuskrip is een van die vier groot kodekse van die Oudengelse letterkunde. Dit is in die 10de eeu geskryf en bevat gedigte wat handel oor Bybelse onderwerpe. Moderne redakteurs meen die manuskrip bestaan uit vier gedigte, wat hulle noem Genesis, Eksodus, Daniël en Christus en Satan.[1]
Skrywer en naam[wysig | wysig bron]
Die identiteit van die skrywer is onbekend. Daar is lank geglo dit is die werk van Cædmon, die 7de-eeuse Angel-Saksiese godsdiensdigter, en dit is dus die Cædmonmanuskrip genoem. Dié teorie word nou verwerp weens die verskille tussen die gedigte. Die huidige naam kom van die Nederlands-Engelse geleerde Franciscus Junius, wat die inhoud in 1655 die eerste keer geredigeer en die manuskrip aan die Oxford-universiteit bemaak het.
Die kodeks bestaan uit twee dele, wat Boek I en Boek II genoem word, en bevat verskeie illustrasies. Boek I bevat die gedigte Genesis A, Genesis B, Eksodus en Daniël, terwyl Boek II net Christus en Satan bevat. Die meeste geleerdes glo nou verskeie skrywers het die manuskrip geskryf.[2] Verder is Boek I deur dieselfde skriba oorgeskryf, terwyl Boek II (wat net uit Christus en Satan bestaan) deur drie verskillende skribas "met ronder handskrifte" oorgeskryf is.[3]
Illustrasies[wysig | wysig bron]
Die manuskrip is gedeeltelik geïllustreer. Dit lyk of twee illustreerders afsonderlik daaraan gewerk het. Die eerste skriba het spasies in die teks gelos vir illustrasies wat nooit voltooi is nie.[4] Net sowat 'n derde van die illustrasies het dit op die ou end tot in die manuskrip gemaak.
Verwysings[wysig | wysig bron]
- ↑ Saltzman, Benjamin A. (Januarie 2017). "Junius Manuscript (Encyclopedia of British Medieval Literature, 2017)". Encyclopedia of British Medieval Literature (in Engels).
- ↑ Orchard, A.P.M. “Christ and Satan.” Medieval England: An Encyclopedia, ed. Paul E. Szarmach, M. Teresa Tavormina, Joel T. Rosenthal. New York: Garland Pub., 1998. 181.
- ↑ Rumble, Alexander R. “Junius Manuscript.” Medieval England: An Encyclopedia, ed. Paul E. Szarmach, M. Teresa Tavormina, Joel T. Rosenthal. New York: Garland Pub., 1998. 385-6.
- ↑ Broderick, Herbert (1983), "Observations on the Method of Illustration in MS Junius 11 and the Relationship of the Drawings to the Text", Scriptorium 37 (2): 161–177, with plate 2, doi:10.3406/scrip.1983.1312, http://www.persee.fr/doc/scrip_0036-9772_1983_num_37_2_1312.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
