Kaap Fria

in Wikipedia, die vrye ensiklopedie
Jump to navigation Jump to search

Kaap Fria (koue kaap) is 'n landpunt aan die Atlantiese Oseaan op die noordelike kuslyn, bekend as die Skedelkus, van Namibië. Die kaap is 120 km noordwes van Mowebaai en 200 km suid van die Angolagrens. Dit is geleë in die Skedelkus Nasionale Park.[1] Die kaap is tans slegs per lug bereikbaar.

Geskiedenis[wysig | wysig bron]

Kaap Fria is, saam met Kaap Kruis, deur die Portuguese ontdekkingsreisiger Diogo Cão in 1486 ontdek.

Sedert die begin van die 1980's was daar sprake om 'n diepseehawe met 'n spoorverbinding na die Namibiese netwerk hier te bou. Die spoorlyn sou ook met die netwerke van Botswana, Zambië, Zimbabwe en Angola verbind word. Hierdie projek sal Namibië se posisie in intra-Afrika handel aansienlik verbeter. Die grootste struikelblokke is finansiering en die strawwe omgewing. Die konstruksie van die hawe en spoorlynverbinding is reeds in 2011 beplan en bevestig in Oktober 2014. Die Namibiese regering het VS$ 1,8 miljoen geoormerk vir die projek.[2]

Verwysings[wysig | wysig bron]

  1. Goudie, Andrew; Viles, Heather (2014). Landscapes and Landforms of Namibia (in Engels). Springer. p. 19. ISBN 9789401780209. Besoek op 27 Junie 2017. 
  2. Namibia finds $1.8m for third port development”.
Hierdie artikel is in sy geheel of gedeeltelik vanuit die Engelse Wikipedia vertaal.