Karaat

in Wikipedia, die vrye ensiklopedie
Die Ster van Indië, 'n saffier met 'n massa van 563,35 karaat.

Karaat is 'n eenheid van massa vir edelstene en pêrels waarby 1 karaat = 200mg (3.085 grein). Diamante se massa (of gewig) word in karaat bepaal. Die grootste diamant ooit gevind is die Cullinan-diamant van 3 024.75 karaat.

Karaat is ook die bepaling van die suiwerheid van goud en silwer: 24 karaat is suiwer (100%) goud. 18 karaat goud bevat 18 dele suiwer goud uit die 24 dele.[1]

Oorsprong[wysig | wysig bron]

Die woord karaat kom van Karob. Daar is geglo dat die karobsaad (saad van die Johannesbroodboom) altyd dieselfde gewig het, daarom is dié saad jare gelede gebruik om meetskale te kalibreer.[2]

Verwysings[wysig | wysig bron]

  1. Verklarende Handwoordeboek van die Afrikaanse Taal. 1979. ISBN 0-628-00138-X
  2. Feiteboek. Helen Lewis. 2011 ISBN 978-1-920268-73-2