Kawasaki Ki-45

in Wikipedia, die vrye ensiklopedie
Jump to navigation Jump to search
Kawasaki Ki-45
Ki 45 001.jpg
Kawasaki Ki-45 Toryu
(Geallieerde kodenaam "Nick")
Tipe Vegvliegtuig
Vervaardiger Kawasaki Aerospace Company
Ontwerp deur Takeo Doi
Nooiensvlug Januarie 1939
Bekendstelling Oktober 1941
Onttrek 1945
Hoofgebruiker Keiserlike Japannese Leër
Aantal gebou 1 701

Die Kawasaki Ki-45 ((ja) : 屠龍) is 'n tweemotorige, Japannese vegvliegtuig wat tydens die Tweede Wêreldoorlog diens gedoen het. Die vliegtuig is gebou in antwoord op 'n Japannese spesifikasie vir 'n tweemotorige vegvliegtuig met 'n lang togafstand. Die prototipe het sy nooiensvlug in Januarie 1939 voltooi maar aanhoudende probleme met die motors het tot gevolg gehad dat produksie eers in September 1941 'n aanvang kon neem. Hierdie model was bekend as Ki-45 Kai Toryu, kai is kort vir kaizo (gemodifiseer) en Toryu beteken draak jagter. Die tweesitplek Toryu is in Augustus 1942 in diens gestel en was betrokke in sy eerste aksie in Oktober 1942.

Die Ki-45 het 'n aantal Consolidated B-24 Liberators afgeskiet en was toe aangepas as 'n nagvegter nadat die Geallieerdes hulle aanvalle na die nag verskuif het. Die nagvegter se sukses het daartoe gelei dat 'n spesiale model, die Kai-C ontwerp is met 'n kanon wat skuins opwaarts vuur. Op 15 Junie 1944 het die Ki-45 sewe Boeing B-29 Superfortresse afgeskiet. In Mei 1944 was die Ki-45 vir die eerste keer gebruik vir Kamikaze aanvalle. Daar was 1701 eenhede van die vliegtuig gebou.

Tegniese besonderhede[wysig | wysig bron]

Besonderhede van die Kawasaki Ki-45 Kai-C Toryu:
Item Statistiek
Aantal motore 2
Tipe motor Skroef
Vervaardiger Mitsubishi Ha-102 14-silinder, twee rye stermotor
Kraglewering per motor 1 080 perdekrag
Vlerkspan 15,05 m
Lengte 11,00 m
Hoogte 3,7 m
Vlerkoppervlakte 32,0 m2
Maks. opstygmassa 5 500 kg
Maksimumsnelheid 545 km/h
Operasionele hoogte 10 000 m
Togafstand 2 000 km
Klimvermoë 700 m per minuut
Bewapening Twee 12.7 mm masjiengewere tussen kajuite teen 30°
twee 12.7 mm masjiengewere en een 20 mm kanon in neus
plus een 7.92 mm masjiengeweer wat agtertoe wys.

Sien ook[wysig | wysig bron]

Bron[wysig | wysig bron]